IPL Auction : राहुलचा नवाबी थाट लखनऊच्या बजेटवर बोजा ठरणार?

लखनौ फ्रँचायझीने मेगा लिलावापूर्वी केएल राहुल, ऑस्ट्रेलियन अष्टपैलू मार्कस स्टॉइनिस आणि अनकॅप्ड लेग-स्पिनर रवी बिश्नोई यांचा समावेश केला आहे. 29 वर्षीय हा IPL 2018 पासून लीगमधील सर्वात सातत्यपूर्ण फलंदाज ठरला आहे. फ्रँचायझीने त्याच्याकडे संघाचे कर्णधारपदही सोपवले आहे. राहुलला लखनौ फ्रँचायझीने १७ कोटी रुपयांना करारबद्ध केले आहे.

राहुलने कर्णधार विराट कोहलीच्या पगाराची बरोबरी केली आणि तो संयुक्तपणे आयपीएलमधील सर्वात महागडा खेळाडू ठरला. 2021 च्या आयपीएल हंगामात कोहलीला रॉयल चॅलेंजर्स बंगलोर (RCB) ने 17 कोटी रुपये दिले होते. तथापि, 2022 च्या हंगामात त्याला RCB ने 15 कोटी रुपयांमध्ये कायम ठेवले होते. राहुल आणि रवी गेल्या मोसमात पंजाब किंग्जकडून खेळायचे. त्याचवेळी स्टॉइनिस दिल्ली संघात होता.

हे खेळाडू निवडले : केएल राहुल, मार्कस स्टॉइनिस, रवी बिश्नोई

• पर्समधून कापलेली रक्कम : 30.2 कोटी

• मेगा लिलावात पर्समध्ये किती असतील : 58 कोटी