किल्ले कलानंदिगडावरील बांधकामाचे नमुने जगासमोर; पहा PHOTO

दूर्गवीर हीच त्यांची ओळख. याच एका नावाने ते एकत्र येतात. दर रविवारी घरातून भाजी-भाकरी घेऊन गड गाठतात. दिवसभर श्रमदान करतात. कोणाच्या हाताला फोड आले, जखमा झाल्या, कोणाची नखे तुटली, परंतु श्रमदान थांबले नाही. किल्ले कलानंदिगड (ता. चंदगड) येथे दूर्गवीर प्रतिष्ठानच्या कार्यकर्त्यांनी गेली सहा वर्षे श्रमदानाचा जागर मांडला आहे. त्यांच्या घामाच्या अभिषेकातून गडाची तटबंदी खुली झाली. मातीखाली गाडलेला शौचकूप, देवळी आणि गडावरील पाणी बाहेर जाण्यासाठी बांधलेले पाट खुले झाले. प्राचीन बांधकामाचे नमुने नव्याने जगासमोर मांडता आले याचेच या दूर्गवीरांना समाधान.