नाटक, गायन, नृत्याच्या बहारदार मैफलींनी रंगली ललित पौर्णिमा

पुणे : रोहिणी नक्षत्र आणि चंद्राच्या मीलनाचे हृदयस्पर्शी कथानक सादर करणारा चंद्र-रोहिणी नृत्याविष्कार, मानवी जीवनातील नियम आणि अपवादांचा पोकळपणा विशद करणारे नाटक, दुर्गा-मालकंस सारख्या रागांची उधळण करणारे शास्त्रीय गायन, बंगाली नाट्यविश्व साकारणारे अलोरगान नाटक, पहाटगितांच्या मंगलमय स्वरांनी सावित्रीबाई फुले पुणे विद्यापीठातील अंगणमंच नवरसांच्या कलाविष्कारांनी न्हाऊन निघाला होता.