पावसामुळं साताऱ्यातील महाराष्ट्र केसरी कुस्ती स्पर्धा स्थगित

सातारा : गेल्या दोन दिवसांपासून पुन्हा हजेरी लावलेल्या अवकाळी पावसाचा फटका आता महाराष्ट्र केसरी कुस्ती स्पर्धेला बसलाय.

कोरोना महामारीमुळं प्रदिर्घ प्रतीक्षेनंतर सुरु झालेल्या या महाराष्ट्र केसरी कुस्ती स्पर्धा अवकाळी पावसामुळं स्थगित करण्यात आल्या आहेत.

साताऱ्यातील छत्रपती शाहू क्रीडा संकुलमध्ये या स्पर्धा मागील दोन दिवसापासून सुरु होत्या.

वादळी पावसामुळं आज संध्याकाळी होणाऱ्या महाराष्ट्र केसरी स्पर्धा पुढील सूचना मिळेपर्यंत स्थगित करण्यात आल्या आहेत. कुस्तीगीर परिषदेचे सरचिटणीस बाळासाहेब लांडगे यांनी ही माहिती दिलीय.

मागील दोन दिवसांपासून छत्रपती शाहू क्रीडा संकुलमध्ये मोठ्या थाटामाटात कुस्तीचा फट रंगला होता. मात्र, पावसामुळं कुस्ती पैलवानाबरोबरच कुस्ती शौकिनांनाचा हिरमोड झाला.

या स्पर्धेत माती गटातील कुस्ती स्पर्धेत अनेक दिग्गज पैलवानांना पराभवाचा धक्का बसलाय. (फोटो : प्रमोद इंगळे)