दसऱ्याच्या 6 दिवसांच्या सुट्टीत 'या' 10 ठिकाणी प्लॅन करा सहल

कंगोजोडी गाव, हिमाचल प्रदेश: जर तुम्हाला निसर्गाचे सौंदर्य जवळून पाहायचे असेल, तर हिमाचल प्रदेशातील कंगोजोडी गाव तुमच्यासाठी पर्वणी ठरु शकते. सिरमौर जिल्ह्यातील या गावात जाण्यासाठी तुम्हाला दिल्लीपासून सुमारे २७५ किमींचा प्रवास करावा लागेल. परंतु येथील दृश्ये काही वेळातच तुमचा सर्व थकवा दूर करतील.

लॅन्सडाउन (उत्तराखंड): निसर्गाच्या सानिध्यात वेळ घालवायची इच्छा असणाऱ्यांनी एकदा तरी लॅन्सडाउनला भेट द्यायलाच हवी. दिल्लीपासून या सुंदर ठिकाणाचे अंतर फक्त २७९ किलोमीटर आहे. येथील कॅम्पिंगपासून ते अगदी जेवण आणि राहण्यापर्यंतचा सर्व खर्च १०,००० रुपयांमध्ये बसू शकेल.

पिथौरागढ (उत्तराखंड): हे प्रसिदध ठिकाण तसं पाहता हिलस्टेशन नाही, परंतु येथील हवामान १२ ही महिने खूप चांगले असते. पर्वतांनी वेढलेल्या या शहराचे सौंदर्य नजरेत भरते.

शिवपुरी (उत्तराखंड): पौराणिक धार्मिक स्थळे आणि आश्रमांव्यतिरिक्त, ऋषिकेश उंच पर्वत आणि घनदाट जंगलांसाठीदेखील ओळखला जातो. हे ठिकाण दिल्लीपासून २४४ किमी अंतरावर आहे. इथून जवळच शिवपुरी हे ठिकाण आहे. येथे वाहणाऱ्या पवित्र गंगा नदीत तुम्ही रिव्हर राफ्टिंगचा आनंद घेऊ शकता. याशिवाय बंजी जंपिंग, वॉटरफॉल, क्लाइंबिंग आणि ट्रेकिंगसाठीदेखील येथे जाता येते.

शोघी, हिमाचल प्रदेश: हे प्रसिद्ध ठिकाण मधुचंद्रासाठी येऊ पाहणाऱ्या नवविवाहित जोडप्यांसाठी एकदम योग्य असं ठिकाण आहे. याशिवाय जे लोक कुटुंबासोबत वेळ घालवू इच्छितात, त्यांनाही या ठिकाणाचा साधेपणा नक्की आवडेल. जर तुम्हाला शनिवार व रविवार असे सलग दोन दिवस वेळ असेल तर येथे भेट देण्यास विलंब करू नका.

खज्जियार: हिमाचल प्रदेश मध्ये स्थित, खज्जियारला भारताचे छोटे स्वित्झर्लंड म्हटले जाते. जर तुम्हाला शांतता आणि निसर्गसौंदर्य एकत्रितपणे बघायचे असेल, तर खजियारपेक्षा चांगली जागा मिळणार नाही. हे ठिकाण सर्वोत्तम रोमँटिक ठिकाणांपैकी एक आहे. फक्त १० हजार रुपयांमध्ये तुम्ही या ठिकाणाची सफर अगदी आरामात करू शकता.

मुक्तेश्वर, उत्तराखंड: हे ठिकाण फक्त सुंदरच नाही, ते तितकंच स्वच्छदेखील आहे. येथे जाऊन तुम्ही स्वच्छ आणि थंड हवेचा आनंद घेऊ शकता. येथे आपण ट्रेकिंग, पॅराग्लायडिंग, बाइकिंग, राफ्टिंग करू शकता.

भरतपूर पक्षी अभयारण्य (राजस्थान): भरतपूर पक्षी अभयारण्य हे जगातील सर्वोत्तम पक्षी अभयारण्यांपैकी एक आहे आणि याला केवलादेव राष्ट्रीय उद्यान म्हणूनही ओळखले जाते. हे ठिकाण राजस्थानमध्ये आहे. येथे तुम्हाला पक्ष्यांच्या हजारो दुर्मिळ आणि नामशेष होत असलेल्या प्रजाती पाहायला मिळतील.

राणीखेत (उत्तराखंड): उत्तराखंडस्थित, राणीखेत एक आकर्षक हिलस्टेशन आहे. जर तुम्हाला निसर्गासोबत वेळ घालवायला आवडत असेल तर हे ठिकाण तुमच्यासाठी सर्वोत्तम आहे. येथे आपण पॅराग्लायडिंग, बाइकिंग, राफ्टिंग देखील करू शकता. तुम्ही राणीखेतच्या झुला देवी मंदिरालाही भेट देऊ शकता.

माउंट अबू: राजस्थानमधील या प्रसिद्ध हिलस्टेशन जुलैमध्ये हलक्या पावसाच्या सरी अनुभवता येतात. माउंट अबू मध्ये आपण रॉक क्लाइंबिंग, ट्रेकिंग आणि रॅपेलिंग सारख्या उपक्रमांचा आनंद घेऊ शकाल. कॅम्पिंग आणि ट्रेकिंग व्यतिरिक्त, घोडेस्वारी आणि हॉट एअर बलूनची मजादेखील येथे घेता येते. पावसाळ्यात येथील हवामान आणखी चांगले होते. इथेही तुम्हाला फिरायला तितकीच रक्कम खर्च करावी लागेल.