Photo l सांगलीच्या सुशांतची कमाल;वडिलांसाठी बनवली इलेक्ट्रिक सायकल

वाढते पेट्रोलचे दर पाहून आपल्या वडिलांना कामावर सायकल वरून सहजरित्या जाता यावे. यासाठी सुशांतने इलेक्ट्रिक सायकल बनवली आहे. ही सायकल २ तास चार्ज केली की ५० किमी पर्यत धावते.

आपल्या प्रबळ इच्छाशक्तीच्या जोरावर घरची परिस्थिती अत्यंत बेताची असताना अन् दुर्दैवाने त्याला या वयात हाय-शुगरचा त्रास असताना देखील केवळ वडिलांसाठी इलेक्ट्रिक सायकल बनवली आहे.

या सायकलसाठी १२ व्होल्टच्या २ बॅटरी जोडल्या आहेत. आता ही सायकल २ तास चार्ज केली की ५० किमी पर्यत विना पॅडेल मारता धावते.

पेट्रोल वाढले म्हणून दुचाकी वापरणे बंद केलेल्या दत्तात्रय यांना आपल्या पोराच्या हुशारीच्या जोरावर दोन चाकी आणि पॅडेल न मारता फक्त रेस वाढवली की पळणारी इलेक्ट्रिक सायकल मिळालीय. सुशांतच्या या हुशारीवर त्याचे आई-वडील, मामा प्रचंड खुश आहेत आणि पंचक्रोशीत देखील सुशातचे कौतुक होत आहे.