Photos: पलक लाइव्ह कॉन्सर्टचे पैसे कोणावर खर्च करते?

इंदौरमध्ये एका राजवाड्यात पलकने तिचा पहिला शो केला होता.

Palak Muchhalसकाळ डिजिटल टीम

Updated on:

30 March 2022, 5:03 am

पलक मुछाल आपल्या एकापेक्षा एक दर्जेदार गाण्यासाठी विशेष प्रसिध्द आहे. पलकचा जन्म ३० मार्च १९९२ ला मध्यप्रदेशमधील इंदौर येथे झाला. लहानपणापासून पलकला संगीताची आवड होती. पलक ही समाजसेवा करत गरजूंना मदत करते. ती एक उत्तम पार्श्वगायिका तर आहेच पण सोबत एक उत्तम माणूससुध्दा आहे, जी सदैव समाजाची सेवा करण्यास तत्पर असते. (Singer Palak Muchhal Birthday Special)

आपला भाऊ पलाश मुछालसोबत पलक भारतभर गाण्यांचे कार्यक्रम प्रस्तुत करत असते. त्यातून मिळणारी रक्कम आर्थिक आधाराची गरज असलेल्या गरीब व हृदयविकाराचा आजार असलेल्या मुलांच्या इलाजावर ती खर्च करते.

किती रुपये मिळतात यापेक्षा मोठ्या बॅनरच्या चित्रपटांमध्ये गाण्याची संधी मिळते हे तीला महत्त्वाचे वाटते.

इंदौरमध्ये एका राजवाड्यात पलकने तिचा पहिला शो केला होता. तेव्हा बेबी पलक या नावाने लोक तिला ओळखत होते. मम्मीचे बोट पकडून ती स्टेजवर आली होती. तेव्हा ती आपल्या आवाजाने त्या मुलांसाठी पैसे जमा करायची जे हार्ट पेशंट्स आहेत. हे काम तिने आजही नित्यनेमाने सुरु ठेवले आहे.

आपल्या आवाजाने प्रेक्षकांची मनं जिंकणाऱ्या गायिका पलक मुच्छलने एक था टायगर, आशिकी २, प्रेम रतन धन पायो यासह कित्येक सुपरहीट चित्रपटांसाठी गाणी गायली आहेत.

- पलक म्हणते, जोपर्यंत मी गाऊ शकते, लाइव्ह कॉन्सर्ट्स मिळतील तोपर्यंत एक-एक पै मी हार्ट पेशंट्स मुलांसाठी खर्च करत राहाणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Bollywood News