Photo : 'कई झूठे इकठ्ठे हों, तो..' शेलैश लोढाच्या पोस्टने वाद चिघळणार?

२८ जुलै २००८ रोजी तारक मेहता का उल्टा चष्मा या मालिकेचा पहिला भाग प्रेक्षकांच्या भेटीस आला होता. या मालिकेतील जेठालाल, सोढी, अंजली भाभी, तारक मेहता, दयाबेन, डॉ. हाथी आणि भिडे या भूमिकांना प्रेक्षकांची पसंती मिळाली आहे.

जवळपास १३ वर्षांहून अधिक काळ ही सर्व मंडळी एकत्र काम करत आहे. शैलेश लोढा मालिका सोडणार असल्याचे कळताच चाहत्यांनी त्यांना थांबवण्यासाठी पुढाकार घेतला आहे. निर्मात्यांकडून हा वाद मिटविण्याचे प्रयत्न सुरु असले तरी शैलेश यांची नाराजी मात्र उघड पणे दिसून येत आहे.

हसीब सोज़ साहब का एक शेर कमाल का है.. "यहाँ मज़बूत से मज़बूत लोहा टूट जाता है, कई झूठे इकठ्ठे हों, तो सच्चा टूट जाता है'' अशा आशयाची पोस्ट त्यांनी शेअर केली आहे. या पोस्टमुळे नेमकं असत्य काय, सत्य काय, काय घडलं असावं अशा अनेक चर्चांना उधाण आले आहे.

शैलेश लोढा केवळ अभिनेतेच नाही तर उत्तम कवी आणि लेखक आहेत. हिंदी साहित्य क्षेत्रात त्यांच्या नावाचा आणि कवितांचा बराच दबदबा आहे. २००७ मध्ये ते कॉमेडी सर्कस या कार्यक्रमात सहभागी झाले होते आणि २००८ पासून त्यांचा 'तारक मेहता' म्हणून प्रवास सुरु झाला.

या मालिकेत याआधी दया बेन, सोडी,रोशन ,अंजली भाभी अशा बऱ्याच पात्रांनी एक्झिट घेतली होती. त्यातील काही कलाकार परत आले पण दया बेन म्हणजेच दिशा वाकाणी काही परत आल्या नाहीत. त्यामुळे आता शैलेश यांच्या जाण्याने 'तारक मेहता'च या मालिकेतून जाणार का अशी चिंता चाहत्यांनी व्यक्त केली आहे.