फक्त फॅशनच नाही, सोन्याचे दागिने घालण्याचे आहेत अनेक फायदे; जाणून घ्या

Benefits of Wearing Gold Jewellery: सोन्याचे दागिने घालणं आपल्या देशात सामान्य गोष्ट आहे. कोणताही सण, समारंभ किंवा विवाह सोहळा असो, भारतीय स्त्रिया अशा प्रसंगी सोन्याचे दागिने घालतात. अलीकडच्या काळात पुरुषही मोठ्या प्रमाणात सोनं वापरतात. पंरतु सोनं केवळ महिलांचे सौंदर्यच वाढवत नाही तर त्याचे अनेक आरोग्यदायी फायदेही आहेत हे फार कमी लोकांना माहिती आहे. जुन्या काळातही अनेक आजारांवर उपचार करण्यासाठी सोन्या-चांदीचा वापर केला जात असे. अ‍ॅक्युपंक्चर विशेषज्ञ देखील वेदना कमी करण्यासाठी सोन्याचे टोक असलेल्या सुया वापरतात. यासाठी तुम्हाला खूप दागिने घालावे लागतील, असंही नाही. दैनंदिन जीवनात सोन्याचे झुमके, कानातले किंवा अंगठ्या इत्यादी घातल्याने देखील तुम्हाला अनेक फायदे होतील.