स्मार्टफोनमध्ये रिमूव्हेबल बॅटरी का नसते? जाणून घ्या कारण
एक काळ असा होता की मोबाईल (Mobile) फोन उघडून बॅटरी काढता येत होती. काही लोक अतिरिक्त बॅटरी (Removable Battery) सोबत ठेवायचे आणि फोन अचानक डिस्चार्ज झाला की दुसरी बॅटरी फोनमध्ये टाकायचे. बाजारात फोनपेक्षा बॅटऱ्याच जास्त असायच्या. इतकंच नाही तर मोबाईल जुना झाला की नवीन बॅटरीमुळे मोबाईल पुन्हा वापरता येत असे. मात्र, आता स्मार्टफोनचे डिझाइन पूर्णपणे बदलले आहेत. आता येणाऱ्या सर्व स्मार्टफोन्समध्ये (Smartphone) बॅटरी आतून फिक्स केलेली असते. या बॅटरी फोनमधून काढल्या जाऊ शकत नाहीत. पण तुम्ही कधी विचार केला आहे का की काढता येण्याजोग्या बॅटरी स्मार्टफोनमधून हळूहळू का गायब होत आहेत? फार कमी लोक असतील ज्यांच्या हे लक्षात आले असेल. चला तर मग आज जाणून घेऊया मोबाईल फोनमधून काढता येण्याजोग्या बॅटरी का काढण्यात आली आणि त्याचा ग्राहकांवर कसा परिणाम होतो. (Why can't a smartphone have a removable battery; Know the reason?)
1. स्मार्टफोन स्लिम करण्यासाठी (1. To slim the smartphone)- आता लोकांना स्लिम फोन आवडू लागले आहेत. हे पाहता सर्व मोबाईल कंपन्यांनी काढता न येणारी बॅटरी वापरण्यास सुरुवात केली. असे केल्याने, मोबाईल पूर्वीपेक्षा खूपच पातळ झाले, जे खिशात ठेवणे खूप सोपे आहे.
2. मोबाइल वॉटरप्रूफ करण्यासाठी (To make the mobile waterproof)- आजकाल बहुतेक वॉटरप्रूफ मोबाईल बाजारात आले आहेत. जे लोक खूपच पसंत करत आहेत. अशा परिस्थितीत फोनमध्ये काढता येण्याजोगी बॅटरी असेल तर मोबाईल वॉटरप्रूफ बनवता येत नाही. न काढता येण्याजोग्या बॅटरीमुळे फोन चांगल्यापद्धतीने पॅक होतो.
3. लोकांच्या सुरक्षिततेसाठी (For the safety of the people)- सर्वात मोठी गोष्ट म्हणजे स्मार्टफोनमध्ये न काढता येणारी बॅटरी ग्राहकांच्या सुरक्षेला लक्षात घेऊन बसवली जात आहे. त्यामुळे बॅटरी पुन्हा पुन्हा बदलता येत नाही. यामुळे शॉर्ट सर्किटचा धोकाही दूर होतो. याशिवाय बॅटरी फुगण्याची समस्याही होत नाही.
4. बॅटरीचे आयुष्य वाढवण्यासाठी (To extend battery life)- काढता येण्याजोग्या बॅटरी हळुहळू स्मार्टफोनमधून आणल्या गेल्या कारण काढता न येण्याजोग्या बॅटरी एकाच चार्जवर दीर्घकाळ टिकतात. तसेच, बॅटरी सारखी न काढल्यामुळे तिचे कनेक्शन मजबूत राहते आणि यामुळे मोबाइलची बॅटरी आयुष्य वाढते.
