Yoga Day 2022: वयाची चाळीशी ओलांडली पण याचं सौंदर्य अजुनही तेच!

बॉलीवूडमध्ये अशा काही सेलिब्रेटी अभिनेत्री आहेत ज्यांच्या फोटोंवर नेटकऱ्यांच्या हजारो कमेंटस असतात

Yoga Day 2022 | Bollywood Actress fitness news esakal

Bollywood Actress: बॉलीवूडमध्ये अशा काही सेलिब्रेटी अभिनेत्री आहेत ज्यांच्या फोटोंवर नेटकऱ्यांच्या हजारो कमेंटस असतात. त्यांनी आपला एक फोटो सोशल मीडियावर टाकायचा अवकाश की, त्याला नेटकऱ्य़ांची दाद मिळालेली दिसून येते. योगा डे च्या निमित्तानं आपण बॉलीवूडमधील अशा सेलिब्रेटी अभिनेत्रींविषयी (Bollywood News) माहिती घेणार आहोत ज्यांचा फिटनेस वयाच्या 40 नंतर देखील थक्क करणारा आहे. यापैकी काही सेलिब्रेटींनी कोरोनाच्या काळात (Malaika Arora) देखील योगाचे व्हिडिओ सोशल मीडियावर पोस्ट करुन चाहत्यांना योगाचे महत्व पटवून दिले होते. आपल्या व्यस्त वेळापत्रकातू (Entertainment News) नियमितपणे योगासाठी वेळ देणाऱ्या या सेलिब्रेटी आहे तरी कोण हे आपण पाहूयात...

बिपाशा बसु - भलेही बिपाशा बॉलीवूडपासून लांब असली तरी ती तिच्या बोल्डनेस आणि हॉटनेससाठी चर्चेत असतेच. सोशल मीडियावर बिपाशानं तिचे योगा करतानाचे अनेक फोटो पोस्ट केले असून त्याला नेटकऱ्यांनी मोठ्या प्रमाणावर प्रतिसाद दिला आहे. तुम्हाला जर निरोगी आणि सुंदर आयुष्य जगायचे असेल तर योगाशिवाय पर्याय नाही. असं बिपाशा सांगते.

शिल्पा शेट्टी - गुगलवर जर कोणत्या अभिनेत्रीविषयी नेटकऱ्यांना सर्वाधिक जाणून घ्यायला आवडते असा प्रश्न टाकला तर त्याचे उत्तर शिल्पा शेट्टी असे येईल. शिल्पा ही जशी तिच्या फिटनेस आणि वर्कआऊटसाठी ओळखली जाते तशी ती तिच्या डाएट प्लॅनसाठी देखील चर्चेत असते. वेगवेगळ्या व्हिडिओच्या माध्यमातून ती नेटकऱ्यांशी संवाद साधताना दिसते. ती योगाशी संबंधित एक वेलनेस सेंटर देखील चालवते.

समीरा रेड्डी - मैंने दिल तुझको दिया या चित्रपटातून बॉलीवूडमध्ये पदार्पण करणाऱ्या समीरा रेड्डीनं नेटकऱ्यांची पसंती मिळवली आहे. ती आणि तिची सासू हे तर फिटनेस संदर्भातील वेगवेगळ्या प्रकारचे व्हिडिओ सोशल मीडियावर व्हायरल करताना दिसतात. 39 वर्षीय या अभिनेत्रीनं अल्पावधीतच मोठी लोकप्रियता फिटनेसच्या जोरावर मिळवली आहे.

करिना कपूर - बॉलीवूडची प्रसिद्ध अभिनेत्री करिना कपूर ही देखील तिच्या फिटनेससाठी ओळखली जाणारी अभिनेत्री आहे. गरोदर असताना तिनं शेयर केलेल्या फिटनेसचे फोटो सोशल मीडियावर चर्चेत होते. प्रेग्नंसीवर एक खास पुस्तकही करिनानं लिहिले. त्यावरुन वाद झाला होता.

मलायका अरोरा - मलायकाच्या फिटनेसचे रहस्य हे ती नित्यनियमानं करत असलेल्या योगामध्ये आहे. तिनं वयाची 47 वर्षे पूर्ण केली आहेत. मात्र तरीही तिचा फिटनेस चाहत्यांना घायाळ करतो. बॉलीवूडमध्ये फिटनेस फ्रिक म्हणूनही मलायकाची ओळख आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Entertainment