जळगाव : कुरिअरचे पैसे घेऊन जाणाऱ्या व्यक्तीच्या मोटारसायकलला (Bike) मागून ट्रिपल सीट येणाऱ्या भामट्यांनी लाथ मारून तीन लाखांची रोकड असलेली बॅग हिसकावून (Stolen) नेली. या प्रकरणी जिल्हापेठ पोलिसांत गुन्हा दाखल झाला आहे. पिंप्राळा रोड परिसरातील गुड्डूराजानगरातील प्रमोद विठ्ठल घाडगे (वय ५८) यांचा कुरिअरचा व्यवसाय आहे. (3 lakh cash was stolen by kicking bike jalgaon Latest Crime News)
शुक्रवारी (ता. २२) रात्री साडेनऊच्या सुमारास घाडगे दुचाकी (एमएच १९, पी ९५२१)ने घरी जाण्यासाठी निघाले. या वेळी मागून दुचाकी (३३५४)वर ट्रिपल सीट आलेल्या तरुणांपैकी एकाने घाडगे यांच्याजवळील बॅग हिसकाण्याचा प्रयत्न केला.
घाडगे यांनी त्याला प्रतिकार केला असता, त्या तरुणाने घाडगेंच्या दुचाकीला लाथ मारताच ते दुचाकीवरून खड्ड्यात पडले व त्यांच्या हातातील तीन लाख रुपये ठेवलेली बॅग या भामट्यांनी लांबविली.
घाडगे गंभीर जखमी झाल्याने परिसरातील नागरिकांनी त्यांना जिल्हा वैद्यकीय रुग्णालयात दाखल केले. दरम्यान, दोन दिवस रुग्णालयात उपचार घेतल्यानंतर जिल्हापेठ पोलिसांत गुन्हा दाखल झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
