Dhule News : 7 कोटींतून राज्य उत्पादनची इमारत; आमदार फारूक शाह यांच्या हस्ते भूमिपूजन

Dhule News : राज्य उत्पादन शुल्क विभागाच्या नूतन प्रशासकीय इमारत कामाचे आमदार फारूक शाह यांच्या हस्ते शुक्रवारी (ता. ९) भूमिपूजन करण्यात आले. शहरातील हॉलेट रेसिडेन्सीच्या मागील परिसरात सात कोटी रुपये खर्चातून ही इमारत बांधण्यात येणार आहे.

धुळे शहरात अनेक प्रशासकीय इमारती या भाडेतत्त्वावर आहेत. पुरेशी जागा नसल्यामुळे प्रशासकीय कामांमध्ये अनेक अडचणी निर्माण होतात. (7 Crore State Production Building Bhumi Pujan by MLA Farooq Shah dhule news)

या समस्या लक्षात घेऊन आरटीओ कार्यालय, आदिवासी विकास प्रकल्प कार्यालय, हिरे मेडिकल कॉलेज, औद्योगिक प्रशिक्षण संस्था आदी विविध विभागांच्या इमारतीसाठी आपण शासनाकडून कोट्यवधी रुपये निधी आणला.

त्याचाच एक भाग असलेल्या सार्वजनिक बांधकाम उपविभाग धुळे अर्थसंकल्पीय तरतुदींतर्गत अधीक्षक, राज्य उत्पादन शुल्क धुळे या प्रशासकीय इमारतीचे सुमारे सात कोटींच्या कामाचे भूमिपूजन झाल्याचे आमदार शाह यांनी सांगितले.

याप्रसंगी सार्वजनिक बांधकाम विभागाचे कार्यकारी अभियंता रवींद्र पाटील, कनिष्ठ अभियंता राहुल पाटील, भिकन शाह, आसिफ शाह, कैलास गर्दे, नासिर पठाण, आमीर पठाण, डॉ. दीपश्री नाईक, प्यारेलाल पिंजारी, इक्बाल शाह, हारून खाटीक, डॉ. बापूराव पवार.

अफसर शाह, शादाब खाटीक, शाहरुख शाह, समीर शाह आदी उपस्थित होते. दरम्यान, शहरात सर्व शासकीय विभागांसाठी प्रशासकीय प्रस्तावित असून, या इमारतीचे कामही लवकरच सुरू होईल, असेही आमदार शाह यांनी म्हटले आहे.