Jalgaon News : महापालिकेतील 86 कंत्राटी पदांच्या भरतीसाठी कट ऑफ यादी

Jalgaon News : महापालिकेच्या ८६ पदासाठी होणाऱ्या कंत्राटी भरतीसाठी गुणांची कट ऑफ यादी जाहीर करण्यात आली आहे. पात्र उमेदवारांच्या मुलाखती बुधवार (ता. १)पासून घेण्यात येणार आहेत.

महापालिकेच्या ८६ कंत्राटी भरतीसाठी ऑफलाइन अर्ज मागविण्यात आले होते. महापालिकेतर्फे त्या अर्जांची छाननी करण्यात आली. (86 contract posts in Municipal Corporation recruitment jalgaon news)

उपायुक्त अविनाश गांगोडे यांच्या मार्गदर्शनाखाली हे काम करण्यात आले. शनिवारी (ता. २८) या पदांसाठी कट ऑफ लिस्ट जाहीर करण्यात आली. ती अशी ः कनिष्ठ अभियंता बांधकाम- ६० टक्के, कनिष्ठ अभियंता (पाणीपुरवठा)- ६० टक्के, कनिष्ठ अभियंता (विद्युत)- ५० टक्के, रचना सहाय्यक- ६० टक्के, आरेखक-४५ टक्के, वीजतंत्री- ५५ टक्के, वायरमन- ४५ टक्के, अग्निशमन फायरमन- ३५ टक्के, आरोग्य निरीक्षक- ४२ टक्के, संगणक चालक- ५० टक्के.

१ नोव्हेंबरला मुलाखती

कंत्राटी पदाच्या भरतीसाठी पात्र उमेदवारांच्या मुलाखती बुधवारी (ता. १) घेण्यात येणार आहेत. कनिष्ठ अभियंता (बांधकाम), कनिष्ठ अभियंता (विद्युत), कनिष्ठ अभियंता (पाणीपुरवठा), रचना सहाय्यक या पदासाठी १ नोव्हेंबरला सकाळी अकरा ते दुपारी दोनपर्यंत मुलाखती घेण्यात येतील.

आरेखक, वायरमन, वीजतंत्री पदासाठी १ नोव्हेंबरलाच दुपारी तीन ते सायंकाळी सहा या वेलेत मुलाखती होतील, तर अग्निशमन फायरमन, आरोग्य निरीक्षक, संगणक चालक पदासाठी गुरुवारी (ता. २) सकाळी अकरा ते दुपारी दोन व दुपारी तीन ते सहा या दोन सत्रांत मुलाखती घेण्यात येतील, असे उपायुक्त अविनाश गांगोडे यांनी कळविले आहे.