तलाठी, कोतवालला शेतावरील बोजा कमी करण्यासाठी दोनशे रुपयांची लाच भोवली

तलाठी, कोतवालला शेतावरील बोजा कमी करण्यासाठी दोनशे रुपयांची लाच भोवली

भुसावळ : तालुक्यातील कुर्‍हे पानाचे येथील तलाठी आणि कोतवाल यांना उतार्‍यावरील बोजाचे नाव कमी करण्यासाठी अवघ्या 240 रूपयांची लाच स्वीकारतांचा लाचलुचपत प्रतिबंधक विभागाच्या पथकाने आज रंगेहात अटक केली आहे.

याबाबत वृत्त असे की, तालुक्यातील कुर्‍हे पानाचे येथील एका शेतकऱ्याने विकासो सोसायटीचे कर्ज घेतले होते, कर्जाची त्यांनी परतफेड केल्याने उताऱ्यावर असलेला बोजा कमी करायचा होता. यासाठी तलाठी प्रविण श्रीकृष्ण मेश्राम,(कुऱ्हे पानाचे, ता.भुसावळ) व कोतवाल प्रकाश दामू अहीर (रा.कुऱ्हे पानाचे,ता.भुसावळ) यांनी त्यांना लाच मागितली. याबाबत तडजोड होऊन 240 रूपये देण्याचे ठरले. दरम्यान, संबंधीत शेतकर्‍याने याबाबत जळगाव येथील लाचलुचपत प्रतिबंधक खात्याकडे तक्रार केली होती.

तक्रारीनुसार एसीबीचे उपअधिक्षक गोपाल ठाकूर यांनी एका पथकाची नियुक्ती केली. या पथकाने आज दुपारी एकच्या सुमारास तलाठी प्रवीण मेश्राम व कोतवाल प्रकाश अहिरे यांना 240 रूपये स्वीकारतांना अटक केली. याबाबत शेवटचे वृत्त हाती आले तेव्हा गुन्हा नोंदविण्याचे काम सुरू होते. कारवाईसाठी पोलीस उपअधिक्षक गोपाल ठाकुर, पो.नि. निलेश लोधी, पो.नि. संजोग बच्छाव, सफौ. रविंद्र माळी, पोहेकॉ. अशोक अहीरे, पोहेकॉ. सुनिल पाटील, पोहेकॉ.सुरेश पाटील, पोना.मनोज जोशी, पोना.सुनिल शिरसाठ, पोना.जनार्धन चौधरी, पोकॉ.प्रविण पाटील, पोकॉ.नासिर देशमुख, पोकॉ.ईश्वर धनगर यांच्या पथकाने सहकार्य केले. 

संपादन- भूषण श्रीखंडे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com