जळगाव एस. टी स्टॅण्डमध्ये दुर्घटना; बस खाली आल्याने वृध्देचा मृत्यू

जळगाव ः जळगाव शहरातील एस. टी स्टॅण्ड मध्ये आज सकाळी बसच्या चाका खाली येवून वृद्धेचा मृत्यू झाल्याची घटना घडली. त्यामुळे एस. टी स्टॅण्डवर एकच धावपळ उडाली. 

आवश्य वाचा- राज्य शासनाने चुका केल्या, आणि त्यामुळेच राज्यात कोरोना पून्हा वाढला !     
 

जळगाव शहरातील नविन एस. टी स्टॅण्ड मध्ये सकाळी साडेअकराच्या सुमारास एमएच १४, बीटी, ५६४ या क्रमांकाची मनमाड- भुसावळ ही बस आली. बस जागेवर लावण्यासाठी बस चालक गाडी चालवित असतांना देवकाबाई नाराणय सपकाळे (वय ६०) या बसच्या पुढच्या चाकाखाली आल्या. देवकाबाई यांच्या डोक्यावरून चाक गेल्याने त्यांचा जागीच मृत्यू झाला. घटना घडतात बस स्थानकात एकच धावपळ उडाली. 

पोलिस घटनास्थळी
घटनेची माहिती मिळताच शनिपेठ पोलिसांनी बस स्थानकात धाव घेतली. पोलिस निरीक्षक विलास शेंडे हे घटनास्थळी येवून त्यांनी पाहणी केली तसेच पंचनामा करून पोलिस स्टेशनमध्ये जबाब नोंदणीचे काम सुरू आहे.