Jalgaon Crime News : युवतीला धमकी देणाऱ्या तरुणाविरुद्ध गुन्हा दाखल

Jalgaon Crime News : शहरातील आदर्शनगर परिसरातील युवतीशी ओळख करून तिच्याशी लगट करणाऱ्या व भावंडांना ठार करण्याची धमकी दिल्याप्रकरणी जिल्‍हापेठ पोलिसांत गुन्हा दाखल झाला.(case has been registered against young man who threatened young woman jalgaon crime news)

शहरातील आदर्शनगरात येथील अठरावर्षीय युवतीसोबती अक्षय अजय जयस्वाल (वय २३, रा. भुरेमामलेदार प्लाट, शिवाजीनगर) याने मैत्री केली. तिची इच्छा नसतानाही तिच्यावर अत्याचाराचा प्रयत्न केला.

पीडितीने विरोध केल्याने संशयिताने वडिलांना खोट्या गुन्ह्यात अडकवेल, भावांना मारून टाकेल, अशी धमकी दिली.

पीडितीने घडलेला प्रकार कुटुंबीयांना सांगितल्यानंतर पालकांनी पोलिसांत धाव घेतली. जिल्‍हापेठ पोलिसांत संशयिताविरुद्ध गुन्हा दाखल झाला. संशयित फरारी असून, त्याचा शोध सुरू आहे.