Jalgaon : कत्तलीसाठी जाणाऱ्या गुरांची केली सुटका

जळगाव : गोदावरी अभियांत्रिकी महाविद्यालयासमोरून गुरांची अवैधरीत्या कोंबून आणि निर्दयपणे वाहतूक (illegal Transport) करणारे वाहन एमआयडीसी पोलिसांनी पकडले आहे. वाहन चालकासह इतरांविरुद्ध एमआयडीसी पोलिसांत गुन्ह्याची नोंद झाली आहे. (Cattle released taken for slaughter jalgaon crime update News)

जळगाव-नागपूर राष्ट्रीय महामार्गावरील गोदावरी अभियांत्रिकी महाविद्यालयाजवळ एमआयडीसी पोलिस ठाण्याचे पोलिस मध्यरात्री २ वाजेच्या सुमारास गस्तीवर असताना पिकअप व्हॅन (एमएच २० ईजी १६९१) मध्ये गुरांना निर्दयपणे कोंबून गुरांना कत्तलीसाठी नेत असताना आढळून आले. गुरांच्या वाहतुकीचा परवाना विचारले असता चालक शकील अहमद मसुद्दीन (वय ३२ रा. मेहरूण, जळगाव) याने उडवाउडवीची उत्तरे दिली.

पोलिसांनी वाहन एमआयडीसी पोलिस ठाण्यात आणून गुरांची मालकी असलेल्यांची माहिती मागवण्यात आली. अखेर सहाय्यक फौजदार वामन महाजन यांच्या तक्रारीवरून चालक शकील अहमद मसुद्दीन याच्या विरोधात एमआयडीसी पोलिस ठाण्यात गुन्हा संध्याकाळी दाखल करण्यात आला आहे.