पारोळ्यात तहानलेल्या पक्ष्यांसाठी स्पर्धा यशस्वी

पारोळा (जि. जळगाव) : येथील नगरसेवक बापू महाजन यांनी उन्हाळ्यात तहानलेल्या पक्ष्यांसाठी ‘एक वाटी कडधान्य आणि एक ताटात पाणी’, अशी स्पर्धा (Competition) घेतली होती. या स्पर्धेत शहरातील अनेक नागरिकांनी सहभाग घेत पक्ष्यांविषयी भूतदया दाखविली. त्याचा नुकताच निकाल (Result) जाहीर होऊन विजेत्यांना खासदार उमेश पाटील व लोकनियुक्त नगराध्यक्ष करण पाटील यांच्या हस्ते बक्षीस देऊन गौरविण्यात आले. (Competition successful for thirsty birds in Parola Jalgaon News)

नगरसेवक बापू महाजन यांनी पक्ष्यांसाठी एक अनोखी स्पर्धा राबून ‘माझी वसुंधरा’ यात पर्यावरण व वृक्षांविषयी जिव्हाळा दाखविल्याने त्यांच्या नगरपालिकेतर्फे प्रशासक तथा मुख्याधिकारी ज्योती भगत- पाटील यांनी सन्मानपत्र देऊन त्यांचे अभिनंदन केले. कार्यालयीन अधीक्षक संघमित्रा संदानशिव, नगरसेवक मनीष पाटील, नगरसेवक पी. जी. पाटील आदी या वेळी उपस्थित होते.

दरम्यान, सिडबॉल्स कॅम्पेन ग्रुपचे राहुल निकम यांचाही सन्मान पालिकेतर्फे झाला. लोकनियुक्त नगराध्यक्ष करण पाटील यांच्या मार्गदर्शनातून बापू महाजन यांचे सामाजिक योगदान नेहमीच महत्त्वपूर्ण असते, असे गौरवोद्गार नगरसेवक पी. जी. पाटील यांनी व्यक्त केले. नगरसेवक मनीष पाटील यांनी बापू महाजन, राहुल निकम यांचे अभिनंदन केले.