जळगाव : जिल्ह्यातील सक्रिय रुग्ण शंभराच्या आत

जळगाव : जिल्ह्यात कोरोनाचा संसर्ग आटोक्यात आला आहे. शुक्रवारी नव्या आठ रुग्ण बाधित आढळून आले तर दिवसभरात ३२ रुग्ण बरे झाले. त्यामुळे सक्रिय रुग्णांची संख्या आता शंभराच्या आत आली आहे.

जळगाव जिल्ह्यात जानेवारीत सुरू झालेली तिसरी लाट महिनाभराच्या आतच ओसरली. फेब्रुवारीत रुग्णसंख्या झपाट्याने कमी होऊ लागली. आता नव्याने आढळून येणारे रुग्ण अत्यल्प आहेत. शुकवारी प्राप्त हजारावर चाचण्यांच्या अहवालात अवघे ८ रुग्ण आढळून आलेत. तर ३२ रुग्ण कोरोनामुक्त झालेत. त्यामुळे जिल्ह्यातील सक्रिय रुग्णांची संख्या आता ९३ वर आली असून त्यापैकी केवळ ४ रुग्णांवर आयसीयूत उपचार सुरु आहेत. उर्वरित ८९ रुग्ण लक्षणे विरहित आहेत. आज जळगाव शहर, भुसावळ, पाचोरा व मुक्ताईनगर येथे प्रत्येकी १ तर जळगाव ग्रामीण व चोपडा तालुक्यात प्रत्येकी २ रुग्ण आढळून आलेत.