Crime Update : 2 गाय आणि 1 वासरुची चोरी

जळगाव : आव्हाणे (ता. जळगाव) रस्त्यालगत शेतशिवारात बांधलेल्या दोन गायी आणि वासरू चोरट्यांनी नेल्याची घटना घडली. तालुका पोलिस ठाण्यात या प्रकरणी गुन्हा दाखल झाला आहे.

जळगाव शहरातील आव्हाणे शिवारात कृष्ण कॉलनीत राजेंद्र देवाभाई भरवाड (वय २८) कुटुंबीयांसह वास्तव्यास आहेत. त्यांच्या मालकीच्या दोन गायी व एक वासरू त्यांनी नेहमीप्रमाणे ते राहत असलेल्या परिसराशेजारीच मोकळ्या जागेत बांधलेल्या होत्या.(Crime Update Theft of 2 cows and 1 calf Jalgaon Crime News)

मंगळवारी (ता. १८) पहाटे चारच्या सुमारास दोन्ही गायी व वासरू आढळले नाही. संपूर्ण गावात शोध घेतला तरी मिळून आले नाही.

चोरट्यांनी गावशिवारातील अनेक जनावरे वाहनातून नेल्याची माहिती मिळाली. यानंतर याबाबत राजेंद्र भरवाड यांनी तालुका पोलिसांत तक्रार दिली. अज्ञात चोरट्यांविरोधात गुन्हा दाखल करण्यात आला आहे. पोलिस नाईक दिनेश पाटील तपास करीत आहेत.