तोंडावर बिअरबॉटल फोडत प्राणघातक हल्ला करणारी टोळी गजाआड

जळगाव : मागील भांडणाचा वाद उकरून तरुणावर प्राणघातक हल्ला करणाऱ्या सहापैकी पाच संशयितांच्या टोळीला एमआयडीसी पोलिसांनी अटक केली आहे. फरार संशयिताचा शोध सुरु आहे. (Crime news)

हर्षल राजेंद्र सोनवणे व त्याचा साथीदार समाधान सुनील पवार असे दोघे जण २ जुलै रोजी मोटारसायकलने कुसुंबा येथून जळगावच्या दिशेने येत होते. वाटेत रायपूर फाट्याजवळ करण चंद्रशेखर पाटील (रा. गणपतीनगर), तुषार प्रमोद कोळी (रा. दत्त मंदीरामागे कुसुंबा), अमित अशोक तडवी (रा. कुसुंबा), सुनील उर्फ सोन्या गुलाब चव्हाण (रा. स्वामी समर्थ केंद्राच्या मागे), सागर तिरसिंग पाटील (रा. कुसुंबा), गणेश उर्फ विक्की गोसावी व इतर अशा सर्वांनी हर्षलची मोटारसायकल अडवली. (Latest marathi news)

मागील भांडणाचा वाद उकरुन काढत सर्वांनी हर्षल यास शिवीगाळ सुरु केली. करण, तुषार, अमित, सनील, सागर, गणेश व इतरांनी त्यांच्या हातातील केबलच्या प्लॅस्टीक पाईप व लाकडी दांडक्यांनी हल्ला चढवत तोंडावर बिअरबॉटल मारुन चेहरा विद्रृप केला. जखमीवर जिल्‍हा सामान्य रुग्णालयात उपचार केल्यानंतर त्यांच्या जबाबावरून दाखल गुन्ह्यात एमआयडीसी पोलिसांनी यातील करण, तुषार, अमित, सुनील, सागर अशा पाच संशयितांना अटक केली. गणेश उर्फ विक्की गोसावी हा फरार असून पोलिस त्याच्या मागावर आहेत. अटकेतील सर्वांना न्यायालयाने सोमवारपर्यंत पोलिस कोठडी सुनावली आहे. पुढील तपास पोलिस उपनिरीक्षक अनिस शेख करत आहेत.