Positive News : दिव्यांग रिक्षाचालक झाला बँक अधिकारी!

Jalgaon News : आयबीपीएस परीक्षांच्या माध्यमातून दीपस्तंभ फाउंडेशन मनोबल प्रकल्पाचे आठ विद्यार्थी बँक प्रोबेशनरी अधिकारीपदी, तर अन्य पाच विद्यार्थ्यांची सैन्य, पोलिस आणि भारतीय रेल्वेत निवड झाली आहे. (disabled rickshaw puller become bank officer jalgaon news)

यात बँक प्रोबेशनरी अधिकारीपदी प्रशांत केदारे, नांजा पावरा, सचिन कोलकर, दीपक गजरे, अमोल आव्हाड, हिना मुजावर, वैष्णव गिते, महादेव सागर यांची निवड झाली आहे, तर नेहरू झारखंडे याची सैन्यात, सुरेखा अवथळे पोलिसपदी, तर साईनाथ शिंदे, विनायक मगदूम आणि भास्कर पांढरे याची भारतीय रेल्वेत निवड झाली आहे.

रिक्षाचालक बनला बँकेचा अधिकारी

सुरवातीच्या काळात रिक्षा चालवून उदरनिर्वाह करणारा दिव्यांग प्रशांत केदारे गेल्या ५ वर्षांपासून मनोबल प्रकल्पात स्पर्धा परीक्षांचे प्रशिक्षण घेत होता. त्याचे आईवडिल भाजीपाला विक्री करतात.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

प्रज्ञाचक्षू नांजा पावरा मध्य प्रदेशातील निवाली गावाचा रहिवासी असून, त्याचे आईवडिल शेतमजुरी करतात. अमरावती जिल्ह्यातील बामादेही गावातील दिव्यांग नेहरू झारखंडे सहा वर्षांपासून प्रकल्पात होता. त्याचे आईवडिल हातमजुरी करतात.

प्रज्ञाचक्षू, दिव्यांग व वंचित विद्यार्थ्यांनी मिळवलेले हे यश अत्यंत प्रेरणादायी व भविष्यासाठी अत्यंत दिशादर्शक आहे, अशी प्रतिक्रिया यजुर्वेंद्र महाजन यांनी व्यक्त केली.