जळगाव : कर्जाला कंटाळून शेतकऱ्याची एणगावात आत्महत्या

बोदवड (जि. जळगाव) : तालुक्यातील एणगाव येथील शेतकऱ्याने विषप्राशन करून आत्महत्या केली. आनंदा रामभाऊ पाटील (वय ४५) असे मृत शेतकऱ्याचे नाव असून, कर्ज फेडायचे कसे, या विवंचनेत त्यांनी आपले जीवन संपविले. (Latest Marathi News)

आनंदा पाटील यांच्यावर सोसायटी व खासगी कर्ज होते. या कर्जाच्या विवंचनेत त्यांनी निमखेडी शिवारातील निनू तायडे यांच्या शेतात विषप्राशन करून आत्महत्या केली. याबाबत सचिन पाटील यांनी दिलेल्या माहितीवरून आकस्मिक मृत्यूची नोंद झाली आहे. पोलिस कर्मचारी सचिन चौधरी तपास करीत आहेत. ग्रामीण रुग्णालयात शवविच्छेदन करण्यात आले. आनंदा पाटील यांच्या मागे आई, पत्नी, मुलगा व मुलगी असा परिवार असून, तालुक्यात हळहळ व्यक्त होत आहे.