महिलेस ९२ हजार तर शिक्षकास एक लाखाचा चुना;क्रॅश कूपनचे आमिष

क्रॅश कूपनचे आमिष; क्रेडिट कार्डद्वारे ऑनलाइन फसवणूक
fraud against women and teacher of rs 192000 lure of crash coupons
fraud against women and teacher of rs 192000 lure of crash couponssakal
Updated on

जळगाव : शहरातील एका महिलेची क्रॅश कूपनचे आमिष दाखवून ९२ हजारांत, तर एका शिक्षकाची क्रेडिट कार्डद्वारे एक लाखांत फसवणूक केल्याच्या दोन घटना समोर आल्या आहेत. ऑनलाइन फसवणुकीच्या वाढत्या प्रकारांमुळे पोलिसांसमोर आव्हान उभे आहे.पहिल्या घटनेत भगीरथ कॉलनीतील महिलेची ९२ हजारांत ऑनलाईन फसवणूक झाली. शीतल राजेश काबरा (वय ४२) जळगाव शहरातील खासगी हॉस्पिटलमध्ये मॅनेजर म्हणून नोकरीस आहेत.

बुधवारी (ता. २) शीतल काबरा घरी असताना, त्यांच्या घरी रजिस्टर पोस्टाने एक बंद पाकीट आले. त्यात नापतोल कंपनीचे पत्र क्रॅश कूपन कार्ड होते. कूपन कार्ड क्रॅश केले असता, त्यात इंग्रजीतून साडेसहा लाख जिंकल्याचा व ते मिळविण्यासाठी १९ RuB असा एसएमएस कोड होता. क्रॅश कार्डनुसार रक्कम मिळण्यासाठी शीतल काबरा यांनी पत्रावरील हेल्पलाइन नंबरवर संपर्क साधला. हेल्पलाइन नंबरवर बोलणाऱ्या व्यक्तीने विविध प्रकारचे टॅक्स सांगून काबरा यांना ‘गूगल पे’ने रक्कम पाठविण्यास सांगितले. त्यानुसार त्यांनी एकूण ९२ हजार रुपये पाठविले. मात्र, क्रॅश कार्डनुसार कुठलीही रक्कम मिळाली नाही. फसवणूक झाल्याची खात्री झाल्यावर शीतल काबरा यांनी जिल्हापेठ पोलिसांत तक्रार दिली. हवालदार जयंत कुमावत तपास करीत आहेत.

दरम्यान, दुसऱ्या घटनेत उर्दू शाळेतील शिक्षक व भवानीपेठेतील रहिवासी फरहा शेख अमिनोद्दीन (वय ३९) वडील व मुलीसह वास्तव्याला आहेत. त्यांच्याकडे आयसीआयसीआय बँकेचे क्रेडिट कार्ड असून, त्यांनी अद्यापपर्यंत क्रेडिट कार्डचा वापर केलेला नाही. १७ जानेवारीस क्रेडिट कार्डच्या कस्टमर केअरमधून फोन आला व तुम्ही घेतलेल्या एक लाख १९ हजार रुपयांचे कर्जाचे दोन हप्ते थकीत आहेत. ते लवकरात लवकर भरा, असे सांगण्यात आले. त्यांनी कुठलही कर्ज घेतलेले नसल्याने त्यांनी बँकेत धाव घेऊन चौकशी केली असता, दोन ठिकाणी कर्ज घेतल्याचे दिसून आले. यात फसवणूक झाल्याचे लक्षात आल्यानंतर त्यांनी गुरुवारी (ता. ३) शनिपेठ पोलिस ठाण्यात तक्रार दिली. त्यावरून गुन्हा दाखल झाला आहे. पोलिस उपनिरीक्षक यशोदा कणसे तपास करीत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com