Jalgaon News : कूलरचा शॉक लागल्याने चिमुरडीचा वाढदिवशी अंत!

Jalgaon News : वाढदिवस असल्याने सायंकाळी सर्व कुटुंबीय बालिकेचा वाढदिवस साजरा करण्याचे नियोजन करीत असताना शुक्रवारी (ता. १९) सायंकाळी साडेसहाच्या सुमारास कुलरमध्ये वीजप्रवाह उतरल्याने शॉक लागून तिचा मृत्यू झाला. (girl died due to electric shock in cooler jalgaon news)

ही घटना मुक्ताईनगर येथील जिजाऊ नगरात घडली. वाढदिवशीच चिमुरडीचा अंत झाल्याने सर्वत्र हळहळ व्यक्त होत आहे.

वैष्णवी चेतन सनान्से (वय ९) हिचा शुक्रवारी नववा वाढदिवस होता. तिचा वाढदिवस दरवर्षीप्रमाणे यंदाही जल्लोषात साजरा करण्याचे नियोजन होते. घरात सर्वत्र आनंदाचे वातावरण होते. वाढदिवसाच्या केकसह सर्व तयारी झाली होती.

सायंकाळी वाढदिवस साजरा करण्यात येणार होता. तत्पूर्वी वैष्णवी सायंकाळी कूलरजवळ असताना तिचा कूलरला हात लागला.

हेही वाचा : Credit Card फसवणूक....काय घ्याल काळजी?

मात्र, कूलरमध्ये वीजप्रवाह उतरल्याने क्षणार्धात जोरात झटका लागून तीन फेकली गेली.

तिला दवाखान्याचा नेले. मात्र, डॉक्टरांनी तिला मृत घोषित केले. वैष्णवी ही चेतन महाराज यांची कन्या तर ओम साई सेवा फाऊंडेशनचे अध्यक्ष सुभाष सनान्से यांची पुतणी आहे.

गोपाळ सनान्से (चिचोंल, ह. मु. मुक्ताईनगर) यांची नात आहे. वैष्णवीवर शनिवारी (ता. २०) सकाळी नऊला अंत्यसंस्कार केले जाणार आहेत.