Latest Marathi News | आदिवासी महिलेच्या बाळाप्रति पालकमंत्र्यांची संवेदनशीलता | Sakal
sakal

बोलून बातमी शोधा

Guardian Minister talk With Tribal Women

Political News : आदिवासी महिलेच्या बाळाप्रति पालकमंत्र्यांची संवेदनशीलता

जळगाव : पाळधी येथील शासकीय विश्रामगृहात रविवारी (ता. १६) जनता दरबार सुरू असताना आदिवासी महिला आपल्या कडेवर लहान बाळ घेऊन त्या गर्दीत दिसली. पालकमंत्री गुलाबराव पाटील यांनी गर्दीतून त्या आदिवासी महिलेची समस्या काय आहे, याविषयी विचारणा केली.

जन्मजात बाळाला दृष्टिदोषाची समस्या असल्याचे सांगताच मंत्री पाटील यांनी उपचारासाठी तत्काळ दहा हजारांची मदत करीत एक हात मदतीचा देत बाळाच्या पुढील उपचाराची जबाबदारी स्वीकारली.(Government Rest House Janata Darbar Guardian Ministers sensitivity towards tribal woman baby Jalgaon Political News)

हेही वाचा: Eknath Khadse Statement : सरकार तुमचं आहे, चोरीचा गुन्हा दाखल करून चौकशी करा

पालकमंत्री पाटील यांचा पाळधी येथील शासकीय विश्रामगृहात नेहमीच जनता दरबार भरतो. या दरबारात आपल्या गावातील समस्या मांडतात. रविवारीदेखील नागरिकांचा जनता दरबार भरल्याने त्या गर्दीत धरणगाव तालुक्यातील फुलपाट येथील भिल्ल-नाईक समाजातील आदिवासी महिलाही कैफियत घेऊन आली होती.

एकीकडे कार्यकर्त्यांसह नागरिकही विविध समस्या घेऊन पालकमंत्री पाटील यांची भेट घेण्यासाठी जमले होते. त्या गर्दीत या आदिवासी महिलेचाही सहभाग दिसून आला. एवढ्या मोठ्या गर्दीत पालकमंत्री गुलाबराव पाटील यांनी कार्यकर्त्यांना इशारा करीत त्या महिलेला बोलावून घेत काय समस्या आहे, असे विचारले.

त्यावर या महिलेने ‘माझ्या बाळाला जन्मजात डोळ्यांची समस्या आहे. त्याला व्यवस्थित दिसत नाही. त्याला दृष्टिदोष व हृदयाची समस्या आहे,’ असे सांगितले. पालकमंत्र्यांनी त्या महिलेचे म्हणणे ऐकून घेत तत्काळ दहा हजारांची मदत केली व पुढील उपचाराची जबाबदारी उचलली. त्या महिलेने भावुक होऊन पालकमंत्र्यांचे आभार मानले.

हेही वाचा: Eknath Khadse Statement : ऐनकेन प्रकारे गुन्ह्यात अडकवून अटक करण्याचे षडयंत्र