Banana Crop Insurance Jalgaon : केळी पीकविमा नाकारलेल्या शेतकऱ्यांकडून तक्रार अर्ज

Jalgaon Banana Crop Insurance : रावेर तालुक्यातील केळी पीकविमा कंपनीने नाकारलेल्या शेतकऱ्यांनी आजपर्यंत अडीच हजार तक्रार अर्ज दाखल केले आहेत.

रावेर तालुक्यातील सुमारे साडेचार हजार शेतकऱ्यांचा केळी विमा कंपनीने नाकारला आहे.(Grievance application from farmers who have been denied banana crop insurance jalgaon news)

यामुळे शेतकरी वर्गात संतप्त भावना व्यक्त होत आहे. ही स्थिती लक्षात घेऊन खासदार रक्षा खडसे यांनी केंद्रीय कृषिमंत्री नरेंदसिंह तोमर यांच्याशी चर्चा केली.

श्री. तोमर यांनी नाकरलेल्या केळी पीक विमा प्रश्नासंदर्भात तक्रार निवारण समिती स्थापन करण्याचे आश्वासन देऊन आदेश दिले.

रावेर येथे तालुका कृषी कार्यालय व अँग्रीकल्चर इंडिया इन्शुरन्स कंपनी कार्यालयात शनिवारपासून (ता.९) केळी पीकविमा नाकारलेल्या शेतकऱ्याकडून तक्रार अर्ज स्वीकारण्यात येत आहेत.

तालुका कृषी कार्यालयात तीन ठिकाणी अर्ज स्वीकारण्यात येत आहे. आजअखेर २ हजार ५५० शेतकऱ्यांनी अर्ज दाखल केले आहे.