बळीराजा हवालदील! यंदाच्या पावसाने हातातोंडाशी आलेला घास हिरावणार

Rain Damage Crop
Rain Damage Cropesakal

आर. जे. पाटील : सकाळ वृत्तसेवा

अमळनेर : तालुक्यातील आठही मंडळात ऑगस्टअखेर पिकांची चांगली स्थिती असताना सप्टेंबरमधील सततच्या पावसाने मात्र शेतकऱ्यांच्या तोंडातील खरिपाचा घास हिरावणार अशी स्थिती निर्माण झाली आहे.

तालुक्यातील पिकांची स्थिती चांगली असली तरी गणपती विसर्जनानंतर काही मंडळात मुसळधार पावसाने हजेरी लावायला सुरवात केली. यामुळे मात्र बागायती व इतर भागातील खरिपाला धोका निर्माण झाला आहे. मे-जून महिन्यात लागवड झालेल्या कपाशी, मका, सोयाबीन पिके आता भरात आलेली असताना अतिपावसामुळे पिकांचे नुकसान होत आहे.

Rain Damage Crop
मुळशीत मुसळधार पाऊस, ओढे नद्यांना पुन्हा पूर

या वर्षी कापसाचा बाजारभाव जास्त असल्याने शेतकरी आनंदित असताना दुसरीकडे मात्र अतिपावसाने पिके धोक्यात येत आहेत. तालुक्यातील काही भागात कापूस वेचणीला सुरवात झाली असून, हातचे पीक खराब होत आहे. सततच्या पावसाने सोयाबीनच्या शेंगांना कोंब फुटू लागले आहेत. अतिनुकसान झालेल्या भागात त्वरित पंचनामे होणार असल्याचे कृषी विभागाकडून सांगण्यात आले आहे.

तालुक्यातील पिकांची झालेली पेरणी

पिके प्रत्यक्ष लागवड क्षेत्र हेक्टर मध्ये

ज्वारी १३७०.००

बाजरी १२०१.००

मका ८६४०.००

तूर २६०.००

मूग १५४०.००

उडिद ८४५.००

भुईमूग ४६०.००

सोयाबीन १२४६.००

कापूस ४९७८०.००

Rain Damage Crop
बनावट अंडे कसे ओळखाल ?

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com