Jalgaon News : महापालिकेच्या ‘आपला दवाखाना’साठी डॉक्टरांच्या 20 जागासाठी 42 उमेदवार पात्र

Jalgaon News : महापालिकेतर्फे सुरू करण्यात येणाऱ्या सोळा ‘आपला दवाखाना’ साठी पूर्णवेळ डॉक्टरच्या जागा भरण्यात येत आहे. एकूण वीस जागासाठी तब्बल ४२ उमेदवार पात्र झाले असून त्यांची मुलाखत घेण्यात येणार आहे.

महापालिकेच्या आपला दवाखान्यासह इतर दवाखान्यासाठी एमबीबीएस पदवीधारक डॉक्टर आवश्‍यक होते. मात्र ते मिळाले नाहीत. (Jalgaon 42 candidates are eligible for 20 posts of doctors for Aapla Dawakhana)

त्यामुळे शासनाकडून महापालिकेने बीएएमएस डॉक्टरांची पदे भरण्यासाठी मंजुरी मिळविली. त्यानुसार १६ फेब्रुवारी रोजी जाहिरात काढण्यात आली होती. त्यात ७७ अर्ज आले. या सर्व अर्जांची छाननी करून ४२ जणांना पात्र ठरविण्यात आले आहेत.

यात एमबीबीएस व बीएएमएसही पदवीधारक आहेत. ३५ जण अपात्र ठरले आहेत.महापालिकेस सतरा आपला दवाखाने मंजूर असून त्यापैकी केवळ एकच दवाखाना सुरू आहे. (Latest Marathi News)

आता सोळा दवाखाने डॉक्टर भरतीनंतर जळगावकरासाठी सुरू होणार आहेत. खुल्या गटात महिलांच्या राखीव तीस जागा असून त्यासाठी एकही अर्ज आलेला नाही. खुल्या गटातील दोन जागांसाठी २२ अर्ज आले झाले आहेत. त्यात १८ जण पात्र झाले आहेत. निवृत्त डॉक्टरांच्या एका जागेसाठीही एकही अर्ज आलेला नाही.