Jalgaon Crime News : शेळ्या शेतात घुसल्याचा जाब विचारणाऱ्या शेतकऱ्यास मारहाण

Jalgaon Crime : तालुक्यातील अट्रावल शिवारातील केळीच्या शेतात मंगळवारी (ता. ११) दुपारी शेळ्या शिरल्या व त्यांनी केळी पिकाचे नुकसान केले.
beating
beatingesakal

Jalgaon Crime News : तालुक्यातील अट्रावल शिवारातील केळीच्या शेतात मंगळवारी (ता. ११) दुपारी शेळ्या शिरल्या व त्यांनी केळी पिकाचे नुकसान केले. याबाबत शेतकऱ्याने गुरख्यास व्यवस्थित चराई करा, अशा बोलण्याचा राग आल्याने गुरख्यासह तिघांनी शेतकऱ्यास मारहाण केली. तसेच, त्याच्या डोक्यात काठीने वार करीत जबर दुखापत केली. यात शेतकरी गंभीर असून, त्याच्यावर यावलला प्रथमोपचार करून जळगावात हलविण्यात आले आहे. ()

अट्रावल (ता. यावल) येथील शेतकरी रवींद्र पंडित कोळी (वय ४९) यांचे गावालगत शेत आहे. या शेतात त्यांनी केळी लागवड केली. या शेतात मंगळवारी दुपारी शेळ्या शिरल्या व त्यांनी केळीचे नुकसान केले. शेतकऱ्याने या शेळ्या बाहेर काढून गुरखा शुभम प्रदीप कोळी व त्याच्यासोबत असलेल्या इतर दोघांना शेळ्या व्यवस्थित चराई करा, असे सांगितले.

beating
Jalgaon Crime News : राष्ट्रीय महामार्गावर चाकूचा धाक दाखवत लाखाची लूट! चोरट्यांना पकडण्याचे पोलिसांसमोर आव्हान

या बोलण्याचा राग आल्याने तिघांनी शेतकरी रवींद्र कोळी यांना शिवीगाळ करीत मारहाण केली. त्यांच्या डोक्यात काठीने वार करीत जबर दुखापत केली. जखमी अवस्थेत कोळी यांना यावल ग्रामीण रुग्णालयात दाखल केले असून, त्यांची प्रकृती गंभीर असल्याने त्यांना जळगाव जिल्हा शासकीय वैद्यकीय महाविद्यालयाच्या रुग्णालयात हलविण्यात आले आहे.

beating
Jalgaon Fraud Crime : जवानांच्या वैद्यकीय तपासणीच्या नावे डॉक्टराला गंडा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com