Jalgaon Crime News : विनापरवाना पाण्याच्या बाटल्यांची विक्री; अन्न व औषध प्रशासनातर्फे 4 लाखांच्या सीलबंद साठा जप्त

Jalgaon Crime News : विनापरवाना सील बंद पिण्याच्या पाण्याची बाटल्यांची विक्री केल्याप्रकरणी मे. देवांश सेल्स या पेढीवर छापा टाकून चार लाखांच्या पिण्याच्या पाण्याच्या बाटल्या जप्त करण्यात आल्या आहेत. एमआयडीसी परिसरातील ढोर मार्केट येथे मे. देवांश सेल्स या पेढीवर विना परवाना पिण्याच्या पाण्याची विक्री होत असल्याची माहिती मिळाली. (Jalgaon Crime Sale of water bottles without license)

त्यावरून अन्न व औषध प्रशासन विभागातील अन्न सुरक्षा अधिकारी शरद पवार, सहाय्यक आयुक्त संतोष कांबळे, सहायुक्त (नाशिक विभाग) सं. भा. नारगुडे यांच्या मार्गदर्शनाखाली छापा टाकण्यात आला.

या पेढीकडे आवश्‍यक अन्न परवाना नसतानाही जळगाव शहरात व जिल्ह्यात सील बंद पिण्याच्या पाण्याची बाटल्यांची (उत्पादक प्रामुख्याने गुजरात जिल्हयातील) विक्री करीत असल्याचे निदर्शनास आले.

या पेढीमध्ये ४ लाख १० दहा हजार ८० रुपयांच्या पाण्याच्या बाटल्यांचा साठा अन्न सुरक्षा मानके कायदयान्वये जप्त करण्यात आला. जिल्ह्यातील सर्व अन्न व्यावसायिकांनी अन्न व्यवसाय करण्याआधी अन्न परवाना/नोंदणी करून घ्यावी, असे अन्न व औषध प्रशासन विभागाचे सहाय्यक आयुक्तांनी कळविले आहे.