Jalgaon News: जळगावची लिफ्ट, सरकता जिना बंद! DRM पांडे यांनी अधिकाऱ्यांना घेतले फैलावर

Jalgaon News : जळगाव रेल्वेस्थानकावर सरकते जिने, लिफ्ट अनेक वेळा बंद असते, अशी तक्रार प्रवाशांची होती. भुसावळ रेल्वेचे विभागीय अधिकारी (डीआरएम) इति पांडे यांनी नुकतीच रेल्वेस्थानकावर भेट दिली. त्या वेळी पुन्हा वरील तक्रार पुढे आली.

डीआरएम पांडे यांनी संबंधित अधिकाऱ्यांना सरकते जिने व लिफ्ट सतत सुरू ठेवण्याचे आदेश दिले. यापुढे तक्रार आली, तर कारवाईचा इशाराही दिला. (Jalgaon elevator sliding staircase closed DRM Pandey took officers on rampage News)

जळगाव स्थानकावर स्वच्छता पंधरवड्यानिमित्त श्रमदान रोटरी क्लब जळगावचे पदाधिकारी आणि रेल्वे अधिकारी आणि कर्मचारीद्वारा स्थानक स्वच्छता कार्यक्रमाचे आयोजन करण्यात आले होते. यामध्ये रोटरी क्लब जळगावचे पदाधिकारी, डीआरएम पांड यांनी स्वच्छता मोहीम राबविली.

यात प्लॅटफॉर्म, परिसर, रेल्वेट्रॅक येथे स्वच्छता श्रमदान करण्यात आले. अपर मंडळ रेल प्रबंधक सुनीलकुमार सुमन, शाखा अधिकारी, जळगाव स्थानक कर्मचाऱ्यांनी सहभाग घेतला.