Jalgaon News : शहरात रस्ते कामासाठी 10 कोटी निधी

Jalgaon News : जळगाव शहरातील रस्ते कामासाठी शासनाने ‘वैशिष्ठपूर्ण योजनेच्या निधी’अंतर्गत दहा कोटीचा निधी मंजूर केला आहे. आमदार सुरेश भोळे यांनी शासनाकडे या निधीची मागणी केली होती. शहरातील रस्त्याचे या निधीतून सार्वजनिक बांधकाम विभागातर्फे करण्यात येणार आहे.

शहरातील रस्त्याच्या समस्या असल्याने या कामासाठी ‘वैशिष्टपूर्ण कामांसाठीच्या निधीतून दहा कोटीचा निधी द्यावा अशी मागणी आमदार सुरेश भोळे यांनी केली होती. (Jalgaon government has approved fund of 10 crore for road work in city)

त्यांच्या पत्राची दखल घेत शासनाने हा निधी मंजूर केला. तशा आशयाचे पत्र नुकतेच प्राप्त झाले. सार्वजनिक बांधकाम विभागाकडून ही कामे केली जाणार आहे. या निधीतून प्रभाग १६ मधील ढाके वाडी परिसरातील रस्त्याचे कॉक्रीटीकरण.

प्रभाग ११ मधील वाघ नगर येथील भवानी केटरर्स गोडाऊन येथून दत्त मंदिरापर्यंत रस्ता क्रॉंकीटीकरण, प्रभाग क्रमांक १४ मधील गायत्री नगर येथील डॉ.नलिनी मल्हार यांच्या घरापासून रस्त्याचे कॉक्रीटीकरण.

प्रभाग १४ मधील आदित्य हॉटेलपासून रस्त्याचे कॉक्रीटीकरण व साईडपट्टयाचे काम, प्रभाग १४ मधील गपणती नगर भागातील रस्त्याचे कॉँक्रीटीकरण व प्रभाग १४ मधील विनोबा नगर मधील रस्त्याचे कॉक्रीटीकरण करण्यात येणार आहे. (latest marathi news)