जळगाव : गॅसवर चालणाऱ्या वाहनांमध्ये अवैधरीत्या घरगुती गॅस भरून देण्याचा गोरख धंदा करणाऱ्या दोघांना सहाय्यक पोलिस अधीक्षकांच्या पथकाने अटक केली. छाप्यानंतर शहरातील इतर धंदेवाल्यांनी सावध भूमिका घेत धंदा आवरल्याची माहिती समोर आली.
शहरातील मास्टर कॉलनी परिसरात घरगुती सिलिंडरमधील गॅस बेकायदेशीर वाहनांमध्ये भरून विकला जात असल्याची गुप्त माहिती सहायक पोलिस अधीक्षक कुमार चिंथा यांना मिळाली होती. त्यांच्या पथकासह पोलिस निरीक्षक प्रताप शिकारे, सहाय्यक निरीक्षक प्रमोद कठोरे, महेंद्र वाघमारे, सहायक फौजदार अतुल वंजारी, आनंदसिंग पाटील, मिलिंद सोनवणे, गणेश शिरसाळे, सलीम तडवी, रवींद्र मोतीराया, महेश महाले, समाधान पाटील अशांच्या पथकाने धाव घेत छापा टाकला. त्यावेळी सिराज खान रज्जाक खान ऊर्फ शेराखान (वय- ३०, रा. मास्टर कॉलनी) व त्याचा साथीदार जहाँगीर रफिक पटेल (वय- ४४, रा. सदाशिवनगर शेराचौक) अशा दोघांना अटक करण्यात आली आहे.
२८ सिलिंडर व पंप जप्त या कारवाईत रोख रक्कम १९२० रुपयांसह गॅसचे चार भरलेले चोवीस रिकामे सिलिंडरसह इलेक्ट्रॉनिक वजन काटा, सिलिंडरमधून गॅस ओढून वाहनात भरण्यासाठीचा खास पंप (मशिन) असा एकूण ६८ हजार ६०० रुपयांचा मुद्देमाल जप्त करण्यात आला आहे. सिराजखान रज्जाक खान उर्फ शेराखान व जहांगीर रफीक पटेल या दोघांना अटक करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.