Jalgaon Lok Sabha Election : जळगावात 45, रावेरसाठ 36 अर्ज दाखल; जिल्हाधिकारी कार्यालयास यात्रेचे स्वरुप

Jalgaon News : लोकसभा निवडणुकीच्या पाश्‍र्वभूमीवर गुरुवारी (ता. २५) अर्ज दाखल करण्याच्या शेवटच्या दिवशी उमेदवारांची मोठी गर्दी झाली. अखेरच्या दिवसापर्यंत जळगाव मतदारसंघातून ४५, तर रावेर लोकसभेसाठी एकूण ३६ उमेदवारी अर्ज दाखल झाले. लोकसभा निवडणुकीसाठी जळगाव व रावेर मतदारसंघासाठी प्रत्यक्षात निवडणूक प्रक्रिया १८ एप्रिलपासून सुरू झाली. (Jalgaon In backdrop of Lok Sabha elections there was huge crowd of candidates on last day of filing applications on Thursday)

नामनिर्देशनपत्र दाखल करण्याची मुदत २५ एप्रिलपर्यंत होती. शेवटच्या दिवशी गुरुवारी जळगाव लोकसभा मतदारसंघात १७ उमेदवारांनी २१ अर्ज, तर रावेर मतदारसंघात ११ उमेदवारांनी १८ अर्ज भरले. जळगाव लोकसभा मतदारसंघात एकूण ३१ उमेदवारांनी ४५ अर्ज दाखल केले आहेत, तर रावेर लोकसभा मतदारसंघात २५ उमेदवारांनी ३६ अर्ज दाखल केले आहेत. (Latest Marathi News)

आज अर्जांची छाननी

निवडणुकीसाठी दोन्ही मतदारसंघांमधून दाखल झालेल्या अर्जांची छाननी शुक्रवारी (ता. २६) होणार आहे. छाननीनंतर चिन्हवाटप होईल. निवडणुकीत अर्ज मागे घेण्यासाठी २९ एप्रिलपर्यंत मुदत असून, त्यानंतर रिंगणात शिल्लक राहिलेल्या अधिकृत उमेदवारांची यादी जाहीर करण्यात येईल. निवडणुकीसाठी १३ मेस मतदान होणार आहे.