Jalgaon Lok Sabha Election : सहाव्या दिवशी 17 उमेदवारांचे अर्ज दाखल

Jalgaon News : लोकसभा निवडणुकीत अर्ज दाखल करण्याच्या सहाव्या दिवशी बुधवारी (ता. २४) जळगाव व रावेर मतदारसंघात १७ उमेदवारांनी अर्ज दाखल केले. गुरुवारी (ता. २५) उमेदवारी अर्ज दाखल करण्याचा शेवटचा दिवस आहे. भाजपतर्फे दोन्ही मतदारसंघातील उमेदवारांचे अर्ज दाखल होणार आहेत. (Jalgaon Lok Sabha Election 17 candidates filed their applications in Jalgaon and Raver constituencies)

सोबत इतर इच्छुकही अर्ज भरतील. यामुळे जिल्हाधिकारी कार्यालयाला यात्रेचे स्वरूप प्राप्त होणार आहे. जळगाव लोकसभा मतदारसंघात बुधवारी (ता. २४) शिवसेना उबाठा गटातर्फे करण पाटील यांनी ३ अर्ज दाखल केले. अंजली करण पाटील यांनीही (शिवसेना उद्धव बाळासाहेब ठाकरे) ३ अर्ज दाखल केले.

डॉ. प्रमोद पाटील (भडगाव) यांनी वंचित बहुजन आघाडीतर्फे २, तर संदीप पाटील (अमळनेर( यांनी अपक्ष, महेंद्र कोळी (अमळनेर) प्रबुद्ध रिपब्लिकन पार्टीतर्फे व इतरांनी अर्ज दाखल केले. (latest marathi news)

रावेर लोकसभा मतदारसंघात अमित कोलते (मलकापूर, अपक्ष), अनिल वाघ (जळगाव, अपक्ष), श्रीराम दयाराम पाटील (रावेर, राष्ट्रवादी काँग्रेस शरदचंद्र पवार गट) यांनी ४ अर्ज, कोमलबाई पाटील (चहार्डी, अपक्ष), श्रीराम ओंकार पाटील, (मुक्ताईनगर, अपक्ष), श्रीराम सीताराम पाटील (मुक्ताईनगर, अपक्ष), विजय काळे (बुलढाणा, अपक्ष), संजय पंडित ब्राह्मणे (भुसावळ, अपक्ष) आदी उमेदवारांनी अर्ज दाखल केले.