Jalgaon Lok Sabha Election 2024 : चहा-नाश्ता, जेवणासह हार, शालीचा दर निश्चित! अर्ज भरल्यापासून द्यावा लागणार हिशेब

Jalgaon Lok Sabha Election 2024 : लोकसभा निवडणुकीत प्रत्येक उमेदवाराला ९५ लाखांपर्यंतच खर्च करता येणार आहे. स्थानिक बाजारपेठांचे सर्वेक्षण करून राजकीय पक्षांच्या प्रतिनिधींशी चर्चा करून जळगाव व रावेर या दोन्ही लोकसभा मतदारसंघात चहा, नाश्ता, जेवण, स्पेशल थाळी, राहण्याची खोली, पाणी बाटली, नारळ, शाल, पुष्पहार, सतरंजी, पक्षांचे झेंडे, पताका, बॅनर यांचे दर किती असावेत, हे जिल्हाधिकाऱ्यांनी निश्चित केले आहेत. त्यानुसारच खर्च करणे व त्याचा हिशोब देणे उमेदवारांसाठी बंधनकारक असणार आहे. (Jalgaon Lok Sabha Election 2024 expenditure marathi news)

निवडणुकीच्या खर्चाचा हिशोब देताना उमेदवारास बिस्कीटसाठी पाच ते दहा रुपयास एक पाकीट, अशा निश्चित दरातच खर्च करून त्याचा हिशोब जिल्हाधिकाऱ्यांकडे सादर करावा लागणार आहे.

निवडणूक काळातील फटाक्यांचे शॉट, रिक्षासह विविध वाहने, प्रचाराचे पोस्टर, हॅण्डबिल, बॅनर, पोस्टर, डिजिटल बॅनर, पेन्डॉल, सतरंजी, टेबल, सोफासेट, खुर्ची, मंडप, फुलांचा हार लहान-मोठा, लाइट फिटिंग, जनरेटर, फेटा, शाल, मफलर, टोपी, गांधी टोपी, कापडी झेंडा, हॉटेल, लॉजवरील राहणे व तेथील जेवण, अशा विविध बाबींचे दर सध्याची महागाई विचारात घेऊन निश्चित करण्यात आले आहेत. मात्र, शहरी व ग्रामीण भागात बऱ्याच बाबींचे दर सारखेच असून, बहुतेक मतदार ग्रामीणमध्येच आहेत. तरीही निवडणुकीसाठी उमेदवारांना मर्यादितच खर्च करावा लागणार आहे.  (latest marathi news)

असे राहणार खर्चाचे बंधन....

निश्‍चित केलेले दर असे

*चहा कट ५, साधा ७, स्पेशल १० रुपये

*कॉफी व दूध शहरात ७ ते १५ रुपये

*व्हेज थाळी राइस प्लेट १००, स्पेशल राइस प्लेट १५०

*नॉनव्हेज थाळी १०० ते २०० रुपये

*पाणी जार १८ रुपये (२० लिटर)

*उसाचा रस २० रुपये

* लिंबूपाणी प्रतिग्लास १० रुपये

*फळांचा रस २० रुपये

*लस्सी ३० रुपये

*नारळ पाणी १० रुपये

*केळी ३० (डझन)

*भेळ ३० रुपये

*पोहे १० ते ३० रुपये

*पुष्पहार, बुके २० ते १०० रुपये

*शाल ६० ते ९५ रुपये