Jalgaon Lok Sabha Election : जळगाव लोकसभा मतदारसंघात 12 उमेदवारांच्या अनामत जप्त

Jalgaon Lok Sabha Election : निवडणूक आयोगच्या निर्णयानुसार १/६ पेक्षा जास्त मतदान न झालेल्या जळगाव लोकसभा मतदारसंघातील १२ उमेदवारांची अनामत रक्कम जप्त झाली आहे, अशी माहिती जळगाव लोकसभा मतदारसंघाचे निवडणूक निर्णय अधिकारी आयुष प्रसाद यांनी बुधवारी (ता. ५) दिली. जळगाव लोकसभा सार्वत्रिक निवडणुकीत ११ लाख ५५ हजार ६३४ मते वैध असून, वैध मतांच्या १/६ मते ही १ लाख ९२ हजार ६०५ इतकी आहेत. ( deposit of 12 candidates were confiscated )

जळगाव लोकसभा मतदारसंघातील १४ पैकी १२ उमेदवारांना एकूण वैध मतांच्या (नोटाला पडलेली मते वगळून) १/६ पेक्षा जास्त मतदान न झाल्यामुळे त्यांनी उमेदवारी अर्जासोबत भरणा केलेली अनामत रक्कम जप्त करून शासन खाती जमा करण्याचे आदेश दिले आहेत. १२ उमेदवारांची एकूण २ लाख ८७ हजार ५०० रुपये अनामत रक्कम जप्त करण्यात आली आहे. दरम्यान, उमेदवार स्मिता उदय वाघ व करण बाळासाहेब पाटील-पवार यांना एकूण वैध मतांच्या १/६ पेक्षा जास्त मते मिळाल्यामुळे त्यांनी भरणा केलेली अनामत रक्कम प्रत्येकी २५ हजार संबंधितांना तत्काळ परत करण्याचे आदेश देण्यात आले आहेत.

ही रक्कम संबंधित उमेदवार अथवा त्यांचे निवडणूक प्रतिनिधींना प्रदान करणे व जप्त झालेली अनामत रक्कम शासन जमा करण्यासाठी महसूल सहाय्यक स्वप्नील येवले यांना प्राधिकृत केले आहे. त्यांनी रक्कम शासन जमा करून चलनाची प्रत निवडणूक निर्णय अधिकारी यांच्या कार्यालयातील संचिकेत दाखल करावी व पूर्ण कार्यवाहीची संचिका उपजिल्हा निवडणूक अधिकारी कार्यालयात जमा करावयाची आहे. (latest marathi news)

उमेदवाराचे नाव--प्राप्त वैध मते--जप्त अनामत

विलास शंकर तायडे--६३८१--१२५००

एक्स-हवालदार ईश्वर दयाराम मोरे--७५४८--२५०००

युवराज जाधव (संभा आप्पा)--२११७७--२५०००

अब्दुल शकूर देशपांडे--१६०६--२५०००

अहमद खान--१९०१--२५०००

करण पवार--३९८३-२५०००

ॲड. नामदेव पांडुरंग कोळी--१२२४--२५०००

संदीप पाटील--१११०--२५०००

महेंद्र देवराम कोळी--२४७६--२५०००

मुकेश मुलचंद कोळी--३३७०--२५०००

ललीत (बंटी) शर्मा--४१९२--२५०००

ॲड. विजय बाबूलाल दाणेज--३४०४--२५०००