Jalgaon News : चाळीसगाव येथील हायस्कूलमधील मुख्याध्यापकांच्या नेमणुकीवर हरकत

Jalgaon News : चाळीसगाव एज्युकेशन सोसायटीच्या आनंदीबाई बंकट मुलांच्या हायस्कूलच्या मुख्याध्यापक पदाच्या नेमणुकीवर याच शाळेतील दोघा ज्येष्ठ शिक्षकांनी हरकती घेतल्या आहेत.
Objection to appointment of Principal in High School at Chalisgaon
Objection to appointment of Principal in High School at Chalisgaonesakal

चाळीसगाव : येथील चाळीसगाव एज्युकेशन सोसायटीच्या आनंदीबाई बंकट मुलांच्या हायस्कूलच्या मुख्याध्यापक पदाच्या नेमणुकीवर याच शाळेतील दोघा ज्येष्ठ शिक्षकांनी हरकती घेतल्या आहेत. त्यामुळे आ. बं. हायस्कूल पुन्हा एकदा चर्चेत आली आहे. चाळीसगाव एज्युकेशन सोसायटीच्या आनंदीबाई बंकट मुलांच्या हायस्कूलचे मुख्याध्यापक के. एन. तडवी हे मे २०२४ अखेर सेवानिवृत्त झाले. (Objection to appointment of Principal in High School at Chalisgaon)

त्यांच्या रिक्त झालेल्या जागेवर संस्थेने बी. बी. सोनवणे यांची १ जून पासून नेमणूक केली आहे. मात्र, सोनवणे यांची मुख्याध्यापकपदी केलेली नेमणूक नियमानुसार नसल्याने ज्येष्ठ शिक्षक व्ही. ए. शिंगाडे व बी. एस. फणसे यांचे म्हणणे असून त्यांनी संस्थेसह जिल्हा परिषदेच्या माध्यमिक विभागाच्या शिक्षणाधिकाऱ्यांकडे हरकती घेतल्या आहेत.

या दोन्हींच्या म्हणण्यानुसार, महाराष्ट्र खासगी शाळा कर्मचारी (सेवेच्या शर्ती) नियमावली १९८१ मधील नियम क्रमांक ३ नुसार सेवाज्येष्ठ प्रशिक्षित व्यक्तीची पदोन्नतीने मुख्याध्यापकपदी व्यवस्थापक वर्गाने व्यवस्थापन मंडळात ठराव करून नेमणूक करावी अशी तरतूद आहे. या संस्थेने मात्र हा नियम न पाळता बी. बी. सोनवणे यांची मुख्याध्यापकपदी नेमणूक केली.

शालेय शिक्षण विभाग मुंबई यांच्या २४ मार्च २०२३ च्या राजपत्रातील निर्देशानुसार संस्थांनी सेवाज्येष्ठता यादी अद्ययावत करावी, असे स्वयंस्पष्ट निर्देश आहेत. या राजपत्रातील निर्देशानुसार सेवाज्येष्ठता याद्या अद्ययावत कराव्यात, असे शिक्षण संचालक (पुणे), शिक्षण उपसंचालक (नाशिक) यांचे सुद्धा आदेश आहेत. (latest marathi news)

Objection to appointment of Principal in High School at Chalisgaon
Jalgaon Monday Column : खडसे- महाजनांमधील संघर्षाला पूर्णविराम मिळणार?

तसेच सेवाज्येष्ठता याद्या अद्ययावत करण्याबाबत शिक्षणाधिकारी (माध्यमिक) जिल्हा परिषद जळगाव यांनी आदेश काढले आहेत. अद्ययावत सेवाज्येष्ठता याद्या फेब्रुवारी २०२४ व एप्रिल २०२४ च्या नियमित वेतन देयकासोबत जोडण्याबाबत सुद्धा आदेश केले आहेत. मात्र, तरीही सेवाज्येष्ठता याद्या वेतन देयकात जोडलेल्या नाहीत. त्यामुळे शासन व शिक्षणाधिकारी यांच्या आदेशाचा अवमान झाला आहे.

व्ही. ए. शिंगाडे यांची मूळ नेमणूक १ जुलै १९९० ला असून ते १९९२ मध्ये प्रशिक्षित पदवीधर झाले आहेत. बी. एस. फणसे यांची मूळ नेमणूक १ ऑगस्ट १९९० असून ते ८ जुलै १९९३ ला प्रशिक्षित पदवीधर झालेले आहेत. याउलट बी. बी. सोनवणे यांची मूळ नेमणूक ही १९ जुलै १९९३ मध्ये झाली आहे.

असे असताना संस्थेने व्ही. ए. शिंगाडे व बी. एस. फणसे यांची सेवाज्येष्ठता डावलून आपल्या मर्जीतील बी. बी. सोनवणे यांची मनमानी व पक्षपातीपणे मुख्याध्यापकपदी नेमणूक केली आहे. जी बेकायदेशीर आहे. चाळीसगाव एज्युकेशन सोसायटीने शासनाच्या निर्देशाचे पालन न केल्याचे सांगत दोन्ही शिक्षकांनी घेतलेल्या या हरकतीवर शिक्षण विभागाचे अधिकारी काय निर्णय घेतात, याकडे सर्वांचे लक्ष लागले आहे.

Objection to appointment of Principal in High School at Chalisgaon
Jalgaon News : निंबोळ्या काढण्याचा हंगाम सुरू; वडनेच्या शेतकऱ्याचाही समावेश

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com