Jalgaon News : जळगावहून लवकरच प्रवाशी विमानसेवा सुरू होणार

Jalgaon News : नागरी विमान वाहतूक मंत्रालयाअंतर्गत डायरेक्टर जनरल ऑफ सिविल एव्हिएश यांनी फ्लाय नाईन्टी वन (फ्लाय ९१) कंपनीला आजच सर्व परवानग्या पुर्ण झाल्याने डिजीसीएकडून एअर ऑपरेटर प्रमाणपत्र पत्र देण्यात आले असून लवकरच फ्लाय 91 कंपनीचे विमान जळगाव विमानतळावरून आकाशात झेपावणार आहे.

अशी माहिती खासदार उन्मेश पाटील यांनी दिली. (Passenger airline service will start from Jalgaon soon)

खासदार पाटील यांनी सांगितले, पंधरवड्यात डीजीसीए चेअरमन विक्रम दत्त आणि नागरी विमान वाहतूक मंत्री ज्योतिरादित्य शिंदे यांची भेट घेऊन जळगाव येथून पुणे,हैदराबाद व गोवा प्रवाशी विमानसेवा सुरू करण्यासंदर्भामध्ये सात्तत्याने पाठपुरावा केला होता.

आज अखेर या सर्व परवानग्याचे प्रमाणपत्र कंपनीला देण्यात आले असून पुन्हा एकदा जळगाव विमानतळावरून प्रवासी विमानसेवा सुरू होणार आहे.

विमानतळावरून नाईट लँडिंग ते वैमानिक प्रशिक्षण केंद्र या सुविधातून जळगाव विमानतळ हे देशाच्या विमानतळाच्या यादीमध्ये अग्रस्थानी असणार आहे. आज दीर्घ प्रतिक्षेनंतर फ्लाय 91 एअर लाईनला डिजीसीए कडून एअर ऑपरेटर प्रमाणपत्र मिळाले