Jalgaon News : नाल्यातून चेंडू काढताना सहावर्षीय बालक गेला वाहून; पोलिसांकडून शोध सुरू

Jalgaon : नाल्यात पडलेला चेंडू घेण्यासाठी वाहत्या पाण्यात उतरलेला बालक वाहून गेल्याची घटना शनिवारी (ता. ६) दुपारी घडली.
The stream where the child was swept away.
The stream where the child was swept away.esakal

Jalgaon News : शहरातील खंडेरावनगराजवळील आरएमएस कॉलनीसमोरील नाल्यात पडलेला चेंडू घेण्यासाठी वाहत्या पाण्यात उतरलेला बालक वाहून गेल्याची घटना शनिवारी (ता. ६) दुपारी घडली. माहिती मिळताच रामानंदनगर पोलिस घटनास्थळी दाखल झाले असून, बालकाचा शोध घेत आहेत. सचिन राहुल पवार (वय ६, रा. हरिविठ्ठलनगर, नवनाथ मंदिराजवळ, जळगाव, मुळ रा. कुसुंबा ,ता. रावेर) असे बेपत्ता बालकाचे नाव आहे. (six year old boy got carried away while removing ball from drain )

हरिविठ्ठलनगरात राहुल किसन पवार (वय ३२) मोलमजुरी करून परिवाराचा उदरनिर्वाह करतात. शनिवारी दुपारी दोन ते तीनच्या सुमारास खंडेरावनगर परिसरात सचिन पवार त्याची १० वर्षांची बहीण आणि परिसरातील लहान मुलांसह लिंबू तोडायला गेला होते. तेथे चेंडू सापडल्याने ते चेंडू खेळू होते. खेळताना अचानक चेंडू जवळच्या नाल्यात पडला. नाल्यातून चेंडू काढण्यासाठी सचिन पवार नाल्यात उतरला. मात्र, नुकताच पाऊस पडल्याने व नाल्यातील पाण्याचा प्रवाह जोरात असल्याने सचिनला पाण्याचा अंदाज न आल्याने तो पाण्याच्या प्रवाहासोबत वाहून गेला.

The stream where the child was swept away.
Jalgaon Crime News : नंदगावात 2 गटांत घमासान; लोखंडी रॉड, दगडासह तुफान हाणामारी

त्याच्या सोबतच्या लहान मुलांनी आरडाओरडा केल्याने नागरिकांनी धाव घेतली. सचिनचे कुटुंबीयांनी नाल्याच्या दिशेने जाऊन त्याचा शोध घेण्याचा प्रयत्न केला. मात्र, त्याच्या हाती निराशाच लागली. याबाबत माहिती मिळताच रामानंदनगर पोलिसांनी घटनास्थळी धाव घेतली. तसेच पट्टीच्या पोहणाऱ्या तरुणांना बोलावून सचिन पवारचा शोध सुरू केला. सायंकाळी उशिरापर्यंत त्याचा शोध सुरू होता. मात्र, रात्री गडद अंधारामुळे शोध व बचाव कार्यात अडथडे येत असल्याने रात्री बचावकार्य थांबविण्यात आले.

The stream where the child was swept away.
Jalgaon News : ओझरखेडा-माळेगाव रस्त्याच्या कामाकडे दुर्लक्ष : रोहिणी खडसे

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com