Jalgaon Crime : दोन सख्ख्या बहिणींचे अपहरण | Latest Marathi News | Sakal
sakal

बोलून बातमी शोधा

Abduction of sisters

Jalgaon Crime : दोन सख्ख्या बहिणींचे अपहरण

जळगाव : शहरातील गणेश कॉलनी परिसरातील एका महाविद्यालयाजवळून नांद्रा येथील दोन सख्ख्या बहिणींना अज्ञात व्यक्तीने फूस लावून पळवून नेल्याचा धक्कादायक प्रकार उघडकीस आला आहे. या प्रकरणी जिल्हापेठ पोलिस ठाण्यात अज्ञात व्यक्तीविरोधात गुन्हा दाखल झाला. (Kidnapping of two sisters Jalgaon Crime Latest Marathi News)

हेही वाचा: Nashik : परप्रांतीय सायकलस्वाराने भारत भ्रमंतीत लावली 13 हजार झाडे

नांद्रा (ता. पाचोरा) येथील दोन बहिणी सोमवारी (ता. ५) सकाळी जळगावात कामाच्या निमित्ताने आलेल्या होत्या. यातील एक १५ वर्षांची, तर मोठी बहीण १८ वर्षांची आहे. दुपारी साडेबाराच्या सुमारास गणेश कॉलनीतील एसएनडीटी महाविद्यालयासमोरून रिक्षात बसल्या. त्या रात्री उशिरापर्यंत घरीच परतल्या नसल्याने पालकांनी दुसऱ्या दिवशी जिल्हापेठ पोलिस ठाण्यात धाव घेत दोन्ही मुली बेपत्ता झाल्याची तक्रार दिली.

पोलिसांनी गणेश कॉलनीतील एसएनडीटी महाविद्यालय परिसरातील सीसीटीव्ही कॅमेरे तपासण्याचे काम सुरू केले आहे. या प्रकरणी दुपारी दोनला मुलींच्या वडिलांनी दिलेल्या फिर्यादीवरून जिल्हापेठ पोलिस ठाण्यात अज्ञात व्यक्तीविरेाधात गुन्हा दाखल झाला. सहाय्यक पोलिस निरीक्षक राजेंद्र पवार तपास करीत आहेत.

फूस लावून पळविल्याचा संशय

दोन्ही ख्सख्या बहिणींना लग्नाचे आमिष दाखवून पळवून नेल्याचा संशय असून, या दिशेन पोलिसांचा तपास सुरू आहे. परिसरातील सीसीटीव्ही फुटेज संकलित करण्यात येऊन या बहिणींना पळवून नेणाऱ्याचा शोध सुरू आहे

हेही वाचा: आवक घटल्याने पालेभाज्यांच्या दरात तेजी; पावसामुळे आठवडे बाजारात पळापळ

Web Title: Kidnapping Of Two Sisters Jalgaon Crime Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..