विद्यार्थ्यांना ऑनलाईन परीक्षेपुर्वी मॉकटेस्ट देणे बंधनकारक

सकाळ वृत्तसेवा
Saturday, 9 January 2021

विद्यार्थ्यांनी परीक्षेसाठी लॉगइन करीता युजरनेम म्हणून पीआरएन नंबर टाकावा व त्यानंतर पासवर्ड म्हणून जन्मतारीख नमूद करावी. काही तांत्रिक अडचण निर्माण झाल्यास सॉफ्टवेअरमध्ये Need Support या Chatbot द्वारे निराकारण करावे.

जळगाव : कवयित्री बहिणाबाई चौधरी उत्तर महाराष्ट्र विद्यापीठाच्या शैक्षणिक वर्ष २०२०-२०२१ मधील प्रवेशीत विद्यार्थ्यांच्या परीक्षा ऑनलाईन पध्दतीने १९ जानेवारी पासून सुरू होणार असून ऑनलाईन परीक्षेच्या सरावासाठी मॉकटेस्ट देणे बंधनकारक आहे. 

विद्यापीठातंर्गत असलेल्‍या बी.ए., बी.कॉम., बी.एस्सी., बीएस.डब्लयू.  (प्रथम,द्वितीय,तृतीय वर्षाचे सत्र-१ बॅकलॉग व रिपीटर, सत्र -३ व ५ नियमित व रिपीटर) तसेच पदवी स्तरावरील व्यवस्थापनशास्त्र (बॅकलॉग व रिपीटर), फार्मसी, एम.एस.डब्लू. (सत्र प्रथम बॅकलॉग/रिपीटर, सत्र-२,३,४ नियमित व बॅकलॉग), विधी (एप्रिल-२०२०),  विद्यार्थ्यांच्या परीक्षा ऑनलाईन एमसीक्यु स्वरूपात घेतल्या जाणार आहेत. ऑनलाईन परीक्षेचा सराव व्हावा यासाठी विद्यार्थ्यांना मॉकटेस्ट देणे बंधनकारक आहे. https://nmu.unionline.in या संकेतस्थळावर ही मॉकटेस्ट देता येईल. विद्यार्थ्यांनी परीक्षेसाठी लॉगइन करीता युजरनेम म्हणून पीआरएन नंबर टाकावा व त्यानंतर पासवर्ड म्हणून जन्मतारीख नमूद करावी. काही तांत्रिक अडचण निर्माण झाल्यास सॉफ्टवेअरमध्ये Need Support या Chatbot द्वारे निराकारण करावे. तसेच महाविद्यालयात नेमणूक करण्यात आलेल्या परीक्षा समन्वयकाशी संपर्क साधावा. या परीक्षे संदर्भातील सविस्तर माहिती विद्यापीठाच्या संकेतस्थळावरील होमपेजवर January-2021 Examination या लिंकवर http://nmu.ac.in/examination.aspx  येथे उपलब्ध असल्‍याची माहिती परीक्षा व मूल्यमापन मंडळ संचालक बी. पी. पाटील यांनी दिली. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: marathi jalgaon news bahinabai nmu online exam practice mocktest