पोलिसाचेच घर फोडले; सव्वा दोन लाखाचा ऐवज लंपास

जळगाव : चाळीसगाव शहर पोलीस वाहतूक (Chalisgaon police) शाखेचे पोलीस कॉन्स्टेबल दिपक रावसाहेब जगताप यांच्या घरात चोरट्यांनी डल्‍ला मारला. साधारण २ लाख २४ हजार रुपयांचा मुद्देमाल लांबविला आहे. (jalgaon-news-chalisgaon-police-house-thief-police-case)

पोलिस कॉन्स्‍टेबल दिपक जगताप हे धुळे येथे नातेवाईकांकडे लग्न कार्यक्रमानिमित्‍ताने गेले होते. घराला कुलूप लावून चावी घराच्या वरच्या मजल्यावर राहणाऱ्या भाडेकरू प्रेमसिंग उर्फ बबलू राजपूत यांचेकडे दिली होती. २६ मेस रात्री घरी परत आल्यावर जगताप यांना घराचे (crime news) दार उघडे होते. कुलूप बाहेर भिंतीवर ठेवलेले होते. घरातील (Police constable house robbery) लाकडी कपाटाचे दरवाजेही उघडे होते.

सव्वादोन लाखाचा ऐवज लंपास

जगताप यांनी घरात जावून पाहिले असता कपाटातील एक लाख ६८ हजार रुपयांची रोकड, २० हजार रुपये किंमतीची पाच ग्रॅम सोन्याची अंगठी, १६ हजार रुपये किंमतीची चार ग्रॅम कानातील टॉप्स, २० हजार रुपये किंमतीची पाच ग्रॅम वजनाची चेन असा एकूण २ लाख २४ हजार रुपये किंमतीचा मुद्देमाल चोरट्यांनी लंपास केला. याप्रकरणी शहर पोलीसात दिपक जगताप यांच्या फिर्यादीवरून गुन्हा दाखल करण्यात आला आहे.