हॉटस्पॉट ठरलेले जळगाव कोरोनामुक्तीकडे; दिवसभरात एकमेव रुग्ण

जळगाव : मार्च, एप्रिलमध्ये रोज तीनशेवर रुग्ण आढळत असल्याने हॉटस्पॉट (Corona Hotspot) ठरलेल्या जळगाव शहरात बुधवारी (ता. १६) अवघ्या एका रुग्णाची नोंद झाली. त्यामुळे शहराची वाटचाल कोरोनामुक्तीच्या (Jalgaon corona update) दिशेने सुरू आहे. जिल्ह्यातही नवे ६३ बाधित आढळून आले. (coronavirus-update-hotspot-jalgaon-city-corona-free)

जळगाव जिल्ह्यात कोरोनाचा संसर्ग नियंत्रणात येत आहे. लॉकडाउनचे सकारात्मक परिणाम अनलॉकनंतरही दिसून येत आहेत. बुधवारी प्राप्त साडेचार हजार चाचण्यांच्या अहवालापैकी ६३ नवीन बाधित आढळून आले. जिल्ह्यातील एकूण रुग्णसंख्या एक लाख ४१ हजार ७२१ झाली. दिवसभरात १४४ रुग्ण बरे झाले. बरे होणाऱ्यांची संख्या एक लाख ३७ हजार ५०५ वर पोचली आहे. जिल्ह्याचा रिकव्हरी रेट ९७.०३ टक्के झाला आहे. २४ तासांत एका रुग्णाचा मृत्यू झाला. जिल्ह्यातील बळींची संख्या आता दोन हजार ५६५ झाली आहे.

असे आढळले रुग्ण

जळगाव शहर- एक, जळगाव ग्रामीण- तीन, भुसावळ- तीन, अमळनेर- चार, चोपडा- तीन, पाचोरा- सहा, धरणगाव- दहा, यावल- तीन, एरंडोल- चार, जामनेर- तीन, रावेर- पाच, पारोळा- चार, चाळीसगाव- आठ, मुक्ताईनगर- दोन, बोदवड- तीन.