अमळनेरमध्ये १०५ फुटांवर फडकला "तिरंगा" | Sakal
sakal

बोलून बातमी शोधा

Amalner Indian Flag

अमळनेरमध्ये १०५ फुटांवर फडकला "तिरंगा"


अमळनेर : शहरात नगरपरिषदेतर्फे स्वातंत्र्यदिनाच्या अमृत महोत्सवानिमित (75th Independence day) तिरंगा चौकाचे उदघाटन लोकनियुक्त नगराध्यक्षा पुष्पलता पाटील यांच्या हस्ते तर आमदार अनिल पाटील यांच्या हस्ते रिमोट कंट्रोलने 105 फूट स्तंभाचे (Indian Flag) ध्वजारोहण करण्यात आले.

Amalner Indian Flag

Amalner Indian Flag


यावेळी माजी आमदार साहेबराव पाटील,माजी आमदार स्मिता वाघ,उपनगराध्यक्ष विनोद लंबोळे, विरोधी पक्ष गटनेते प्रवीण पाठक,मार्केट च्या मुख्य प्रशासक तिलोत्तमा पाटील,तहसीलदार मिलिंद वाघ,पोलीस निरीक्षक जयपाल हिरे ,मुख्याधिकारी प्रशांत सरोदे, उपमुख्याधिकारी संदीप गायकवाड यांची प्रमुख अतिथी म्हणून हजर होते.

Amalner Indian Flag

Amalner Indian Flag

पन्नास किलो वजनाचा ध्वज
रिमोट कंट्रोलच्या मदतीने स्तंभावर ३० बाय २० फूट आकाराचा ५० किलो वजनाचा ध्वज डौलाने आकाशात फडकवण्यात आला. यावेळी.अनेकांनी या राष्ट्रीय सोहळ्याचा आनंद घेतला. दिवसभर अबालवृद्धांची तिरंग्यासोबत सेल्फी घेण्यासाठी गर्दी झाली होती. शहराबाहेर तीन चार किमी अंतरावरून तिरंगा दिमाखात फडकतांना दिसून येतो. कोरोनामुळे मागील दीड वर्षांपासून हा बहुचर्चित उपक्रम रखडलेला होता.

Amalner Indian Flag

Amalner Indian Flag

नगरपालिका क्षेत्रात अभिनव प्रयोग
अमळनेर नगरपालिकेने राष्ट्रहिताचा उपक्रम राबविल्याने नागरिकांकडून त्याचे स्वागत करण्यात आले आहे. नगर पालिकेच्या सत्ताधारी व विरोधी सदस्यांनी एकमताने या ठरावाला संमती दिल्यामुळेच हे शक्य झाले असल्याचे नगराध्यक्षा पुष्पलता पाटील यांनी सांगितले. १०५ फुटांच्यावर तिरंगा ध्वज उभारण्याचा बहुमान उत्तर महाराष्ट्रातील अमळनेर नगरपालिकेला प्राप्त झाला आहे.

Web Title: Marathi News Amalner City Independence Day Flag Flew At One Hundred And Five Feet

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :amalner newsNational Flag