मुक्ताईनगर : मुक्ताईनगर शहरातील बुऱ्हाणपूर रोडवर असलेल्या हिंदू स्मशानभूमीतून अस्थि चोरीस गेल्याची धक्कादायक घटना दि.11 सप्टेंबर रोजी सकाळी उघडकीस आली , मयत महिलेच्या नातेवाईकांनी अस्थि चोरीला गेल्याचे लक्षात येताच आज सकाळी बुऱ्हाणपूर रोडवरील स्मशानभूमीतच प्रचंड संताप व आक्रोश केला.
शहरातील प्रशिक नगरातील रहिवासी असलेल्या 65 महिला कोविडचा उपचार सुरू असताना त्यांचा दुर्दैवी मृत्यू झाला होता . त्यांच्यावर दि.9 सप्टेंबर ला रात्री 12:30 वाजेच्या सुमारास अंत्यसंस्कार करण्यात आले होते .त्यानंतर दि.10 रोजी रात्री 8 वाजेपर्यंत नातेवाईकांनी प्रेत व्यवस्थित जळाले की नाही हे तपासले असता अस्थी व्यवस्थित होत्या. मात्र शुक्रवारी सकाळी मुलगा नितीन सुधाकर भालेराव व इतर नातेवाईक अस्थि घेण्यासाठी आले असता अस्थि चोरीला गेल्याचा धक्कादायक प्रकार उघडकीस आला.झालेल्या प्रकाराने महिलेचे नातेवाईकांनी यांनी प्रचंड आक्रोश व संताप केला .
त्यामुळे विधी कशावर आणि कसा करायचा खोळंबला अशी संतप्त भावना व्यक्त करू लागले . अखेरीस नातेवाईकांनी स्मशानभूमीतच आंदोलन सुरू केले. तसेच नातेवाईकांनी आमदार चंद्रकांत पाटील यांना भ्रमणध्वनीवरून घटनेची माहिती दिली असता आमदार पाटील लागलीच स्मशानभूमीत पोहोचले. कुटुंबीय व नातेवाईकांच्या भावना जाणून घेत मुख्याधिकारी अश्विनी गायकवाड व पोलीस उपनिरीक्षक निलेश सोळुंके यांना लागलीच घटनास्थळी प्राचारण केले. आणि मुख्याधिकारी व पोलीस उपनिरीक्षकांना गुन्हा दाखल करून सखोल चौकशी करीत अस्थि चोरणाऱ्या भुरट्या चोरांचा तात्काळ शोध घेण्याचा सूचना केल्यात .आणि भालेराव कुटुंबियांची चर्चा करून त्यांच्या नातेवाईकांचे सांत्वन केले.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.