चाळीसगाव तालुक्यात मुसळधार पाऊस..पाचव्यांदा पूर,संपर्क तुटला

Chalisgaon Flood News :पाटणा गाव आणि परिसरात पाऊस सुरूच असल्याने नदीपात्रात अजून पाणी वाढण्याची शक्यता आहे.
Chalisgaon River Flood
Chalisgaon River Flood

चाळीसगाव : शहरासह तालुक्यात काल रात्रीपासून मुसळधार पाऊस (Heavy Rain) झाल्याने तालुक्यातील नदी-नाले फुलवून ओसंडून वाहत आहेत. शहरातून वाहणाऱ्या तितुर व डोंगरी नदीला पूर (River Flood) आला असून पुराचे पाणी शहराच्या दोन्ही भागांना जोडणाऱ्या पुलांवरून वाहत असल्याने दोन्ही बाजूचा संपर्क तुटला आहे.

Chalisgaon River Flood
मुस्लीम कीर्तनकार हभप शेख महाराजांचे किर्तन सेवा देतांना निधन..

शहरासह ग्रामीण भागात पावसाचा जोर अधिक असल्याने शेतीचे मोठ्या प्रमाणावर नुकसान झाले आहे. तालुक्यातील पाटणादेवी, शिवापुर, मोठा महादेव, कन्हेरगड, परिसरात आज सकाळपासून मुसळधार पाऊस सुरू आहे. पाटणा गाव आणि परिसरात पाऊस सुरूच असल्याने नदीपात्रात अजून पाणी वाढण्याची शक्यता आहे. त्यामुळे नदीलगतच्या लोकांना सतर्क राहण्याचा इशारा प्रशासनाने दिला आहे.

Chalisgaon River Flood
ब्रेकिंगः वाघूर धरणाचे प्रथम सर्व २० दरवाजे उघडले

गिरणा धरण परिसरातही चांगला पाऊस होत असल्याने धरणाचा जलसाठा ७८ टक्के झाला आहे. तालुक्यातील मन्याड धरण परिसरात ७५ मिमी पावसाची नोंद झाली असून सध्या या धरणातून पाच हजार क्युसेसचा विसर्ग सुरु आहे. तर जामदा (ता. चाळीसगाव) बंधा-यातून १५ हजार क्युसेसचा विसर्ग सुरू आहे. तालुक्यातील १४ पैकी १२ मध्यम जलप्रकल्प ओव्हर फ्लो झाले आहेत. बोरखेडा व देवळी - भोरस मध्यम प्रकल्प भरण्याच्या मार्गावर आहेत. चाळीसगाव तालुक्यात गेल्या अनेक वर्षात प्रथमच विक्रमी पर्जन्यमान होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com