म्हैस विक्रीचे पैसे मागितले आणि कोयत्याने हल्ला केला !
अडावद ः म्हैस विक्रीचे पैसे मागितल्याचा राग आल्याने अमळनेर येथील दोघांवर कोयत्याने वार केल्याने त्यात दोघे गंभीर जखमी झाल्याची घटना निमगव्हाण येथील बसस्थानकासमोर घडली. मारहाण प्रकरणी चोपडा येथील पिता पुत्रांवर ग्रामीण पोलिसात गुन्हा दाखल करण्यात आला आहे.आवश्य
अमळनेर शहरातील पैलाड भागातील रहिवाशीपंकज सुकदेव कंखरे यांनी चोपडा येथील भरत हिंमत चौधरी यास गेल्या वर्षापूर्वी पाच म्हशी विकल्या होत्या त्या सौद्यापोटीचे 4 लाख 85 हजार रुपये घेणे बाकी होते. भरत चौधरीकडे वेळोवेळी पैशाची मागणी करून पैसे देत नव्हते. पंकज कंखरे हे म्हशी विक्रीचे पैसे मागण्यासाठी गेले असता त्याचा भरत चौधरी याला राग आल्याने चौधरी याने ट्रॅक्टर मधील कोयता काढून सोबत असलेले भिल व पंकज कंखरे वार केले.
पोलिसात गुन्हा दाखल
या प्रकरणी पंकज सुकदेव कंखरे रा.पैलाड अमळनेर यांच्या फिर्यादीवरून भरत हिंमत चौधरी व त्याचा मुलगा भैय्या भरत चौधरी रा. चोपडा शहर यांच्या विरुद्ध गुन्हा दाखल करण्यात आला आहे.पुढील तपास डीवायएसपी राजेंद्र रायसिंग व पोलीस निरीक्षक संजय ठेंगे यांच्या मार्गदर्शनाखाली पोहेकॉ भरत नाईक करीत आहेत.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.